صورة-1
كيفية عمل البفتيك المقلي
المقادير:
-نص كيلو لحم بفتيك
-بصلتين متوسطين مقطعين شرايح
-اربع فصوص ثوم مقطعة شرايح
-نص ليمونه
-مقدار غطاء خل
-معلقة ملح
-ربع ملعقة فلفل اسود
-ربع ملعقة بابريكا
-ربع ملعقة قرفه
-ربع ملعقة بهارات لحم
بالتاكيد ملاعق التوابل بتكون صغار اللى هى ملاعق الشاي
خلطة البانيه:
-بيضتين-نص كاس لبن حليب،رشة ملح و فلفل اسود،بقسماط
ملاحظه:التوابل يمكن تغيريها براحتك حسب المتوفر عندك اهم حاجة و الثابتين الملح و الفلفل الأسود
الطريقه:
-هنغسل اللحم بالمية و نصفية من ميتو
لحم
-دية صورة المقادير هنا قطعنا البصل و الثوم شرايح و مش نبشروا و لا ناخد ميتو كدا اسهل لان البصل و الثوم هينزلو ميتهم لوحدهم و بعد كدة هيصبح من السهل اننا نشيل اللحم من التتبيلة عشان نقليها
تتبيله
-هنحط مقادير التتبيلة كلها على بعض و نقلبها بأيدينا
نتبل اللحم
-نحط التتبيلبة على اللحمة و نقلبهم مع بعض
نتبل اللحم
-نحطهم فكيس و نقفلو كويس و على فكرة الكيس بيسرع التتبيل يعنى لو مستعجلة على الحاجة و عاوزاها تتبل بسرعة حطيها فكييس و ندخلها الثلاجة على الاقل ساعتين دة اقل حاجة و جميع ما زودتى المدة هيصبح اقوى عشان اللحمة يبقى طعمها اقوى و اطرى انا سبتها ليلة كامله
نحطها بالثلاجه
-تانى يوم بقى او بعد ساعتين او 4 او حسب ما سبتيها بالتتبيلة هنطلع اللحم و نجهز بقى الطبقة اللى هتلزق اللحم بالبقسماط و هى مقاديرها عبارة عن بيضتين و نصف كاس لبن و رشة ملح و رشة فلفل اسود
بيض لبن
-هنحط اللبن و البيض و رشة الملح و الفلفل على بعض فطبق
بانيه
-نقلبهم كويس جدا جدا بالشوكه
لحمة بانيه
-البقسماط بقى انا بستخدم الجاهز دة بصراحة بيدى نتيجة جمييله،انتو يمكن تستعملو بقسماط عادى بس لو هتستخدمو بقسماط عادى اخلطوة بحبة دقيق صغيرين
بقسماط
-نحط البقسماط فالطبق و علية يجى ربع ملعقة صغار ملح و رشة فلفل اسود و زى ما اتفقنا لو هنستخدم البقسماط السايب حطولوة حبة دقيق صغيرين و معاة ملح و فلفل اسود و يمكن بقى حبة توابل من اللى حطتوها على اللحم بس انا بستخدم البقسماط الجاهز دة و بكتفى بتتبيلة بملح و فلفل اسود فقط
اميريكان جاردنز
-هقلب البقسماط فبعضه
بقسماط
-هنا جميع حاجة عندنا بقت جاهزة البقسماط و البيض المخلوط بللبن و اللحمة المتبلة نبدا بقى الشغل :))
خطوات عمل
-هننشل اللحم من التتبيلة و هتلقيها بتتشال بسهولة جدا جدا من اللتتبيلة لاننا مقطعين البصل و الثوم شرايح و هحط اللحم فخليط البيض و اللبن
البفتيك البانيه
-وهمسكها كدة زى الصورة عشان تنزل البيض و اللبن الزايد
لبن حليب
-و ثم هحط اللحم فخليط البقسماط
لحم بقسماط
-واقلب اللحم على الناحية التانيه
نقلب اللحم
-والخطوة المهمة هما انى اضغط على اللحم كويس قوى قوى عشان مش تفك منى بالقلية و احطها بين ايدى الاتنين كأنى بسقف عليها و هنا اما ضغطها كويس
نضغط كويس
-هنا خلصت الكمية كلها
بفتيك اللحم
-هنا بقى غلفتو و عندك حلين لو عاوزة تعملية علطول حطية بالفريزر نصف ساعة لو محضراة بدرى و قدامك اكتر من ساعة لحد ما تقلية خلية بالثلاجة ساعتين تلاتة براحتك بقى حطية بالثلاجة و الخطوة دية مهمة اوى انك تحطية بالثلاجة عشان طبقة البقسماط مش تفك اما يتقلى انا حطيتو بالفريزر نصف ساعه
لحم بفتيك
-بعد نصف ساعة هطلعوا من الفريزر عشان اقلية و مرحلة القلى مهمة جدا جدا برضو فنجاح البفتيك
نحط زيت غزير و نسخنو على نار عالية لازم يسخن كويس و يمكن اختبرو انى احط فية طرف بفتيك اذا عمل تششش يبقى سخن كويس معملش استنى علية كمان شوية و اجرب تانى عمل تشش تمام احط البفتيك
هنا حطيت البفتيك
قلى البفتيك
-ااول ما احطوا اخلى النار متوسطه
نار متوسطه
-أما ياخد لون اقلبو على الناحية التانيه
-مجرد ما ياخد لون من الناحيتين هيصبح استوى هطلعوا من الزيت بشوكة او مقصوصه
خطوات عمل
-نطلعهم على مناديل عشان يمتص الزيت الزايد
مناديل
-هيصبح مقرمش من برة و طرى من جوة و لو حابينو طرى كلو او حسيتو نفسكم نشفتوة اول ما يطلع غطوة بورق الومنيوم هيطري
و يقدم بألف هنا و شفا :))
البفتيك المقلي
-قبل ما امشى بس من مقال البفتيك عاوزين نتفق على شوية حجات كدة :)) عشان البفتيك مش يفك
-أما نحط البقسماط نضغط علية كويس جدا
-لازم و ضرورى نحطو بالفريزر قبل القلى بنص ساعة او بالثلاجة لو هنسيبو اكتر من ساعه
-لازم الزيت يصبح سخن و يعمل تششش 😀
و ان شاء الله تدوقوا اجمل طبق بفتيك