صورة-1
المقادير
بطاطس مقطعه شرائح تكفى عمل طبقتين فالصينيه الشرائح متوسطه تقريبا 1.5cm
(لحمه معصجة)12 مثل لحمه مفرومه +2 بصله مبشورة+ملح و فلفل +ورقه غار نضعهم علي النار و نهدئ النار و نتركها حتي تمام النضج (بدون اضافه سمن او زيت او ماء )
والبشاميل بالتاكيد معروف طريقتة عموما دي طريقتى
ملعقتينكبيرة زبده +معلقتينكبيرة زيت
ولما يسخنوا نضيف 5 ملاعق دقيق كبار
ونفضل نقلب لحد ما يصفر
و ثم نضيف اللبن شويه بشويه و بمضرب يدوي لحد ما تلاقي الخليط باي تقيل كده
نضيف باقي كميه اللبن(كيلو) و نفضل نقلب لحد ما يستوي البشاميل و يصبح قوامه تقيل شويه (شويه صغننين زي قوام الكريمه اللباني )مش زي البشاميل بتاع المكرونه (النقطه دي مهمة) بعد كدة ننزله و نضيفلة باي ملح و فلفل ابيض(اسود) و جوزه الطيب (او زي ما تحبي)
بالتاكيد بندهن الصينيه زبدة
ونرص طبقه بطاطس
و ثم اللحمه المعصجة
و ثم الطبقه التانيه من البطاطس
و ثم البشاميل و يصبح البشاميل مغطي البطاطس و نهز الصينيه شويه نتاكد ان البشاميل نزل من الجناب
ممكن ترشي علي و شها جبنة شيدر او موزاريلا او اي نوع تحبية
انا هنا قطعت جبنه رومي و رشيتها علي الوش
ندخل الصينيه فالفرن ساعه و بعد كدة شغلي الشوايه لحد ما تحمر من فوق (الوقت علي حسب شده الفرن )
و دة شكلها بعد ما خرجت من الفرن
- بطاطس باللبن فتكات