مكياج سواريه

 

صورة-1

 






قبل ما نعرف كيف نعمل الميك اب السوارية ففتيات قالت لى عايزه تعرف نوعيات الفرش و استعمالاتها..


استخدامات الفرشاه الكبيرة


الفرشاه الكبيره ليها 3 استخدامات و هي:


1- مع البودر، فممكن نمسح بيها


2- بعد ما نحط البودر بنشيل بيها الاشياء الزيادة


3- كمان بنسخدمها فتوزيع الروجاجو

استخدامات الفرش الاخرى:


• فية فرشاه تانيه بنستخدمها للتسريح بيبقي و شها عامل زى الشعر الصناعى و ساعات الطبيعي.

• و فية فرشاه كمان للرموش و دي بتساعد ان احنا نطلع الرموش لفوق و فنفس الوقت بتشيل الزياده من الماسكرا.

• و فرشاه الحواجب اللى بنملا بيها الحواجب، بتبقي ناشفه شويه و شعرها ما ئل شويه علشان تكون سهله الاستخدام.

• اما فرش الايشادو ففيها الصغيره و الكبيره و الصغيره تستعمل لتحت العين.

وعلي فكره فية ناس ما بتستخدمش فرشاه خالص و تستخدم صوابعها زى ما عملنا من شوية. و الناس اللى عندهم شويه خبره هيقدروا يحددو اللون و يعملوا ميكس كويس باستعمال ايديهم.

دلوقت هنبدا نعمل ميك اب سواريه..


لو انت رايحه فرح او مناسبه بسيطه يمكن تزودى شويه علي الميك اب اللى عملناة للصبح، لان الميك اب السوارية بيصبح اقوي من الميك اب العادى بتاع “الصبح”، فبتلاقى ان خاماتة اكثر و الفرش بتزيد شويه و شكل و رسومات العين و الوانها هى كمان بتبقي اكتر.. يعنى من الاخر كدة بيبقي حاجه جامده جدا…


تعالوا نشوف الخطوات


• دلوقت هنستعمل الفرش بتاعتنا علشان نزود ميك اب الصبح و بالتالي الاساس لازم يبقي اكتر شوية.

• بنتقل الفونديشن شويه اللى تحت العين علشان يعمل طبقه فاتحه شويه تحت العين. و عشان تعملية كويس لازم تفضلى باصه فوق شويه لانك لو بصيت لتحت هيبقي جزء تحت العين مش معمول فبتضطرى تعملى فونديشن تانى و بودر تاني.

• الفونديشن و البودر نعملة بالبداره زى ما اتفقنا و يمكن بالفرشاه زى ما اتفقنا.

• و بعد ما نزود الاساس و البودرة، بنشيل الزياده بالفرشاه علشان الميك يبقي ما فيهوش بودر كتير و كمان يمكن العروسه او اللى رايحه الفرح تعمل حاجه ثانيه بعد ما تحط الفونديشن يمكن تحط تلج علي و شها. و لو بتستعمل فونديشن سائل، ما ينفعش خالص احط علية تلج لانة بيضيع الميك اب و كانك حطيت مياه. لكن المكياج اللى انا حطاة مخصوص للسينما يعنى ضد المياة و مش بيروح نهائى سواء مع التلج او العرق. و دة اللى جميع الفنانين بيستعملوه. و بيصبح الفونديشن بتاعة تقيل شويه و البودر تقيله شويه فبيثبت معاها تمام.

• بنزود كمان الكحل اللى جوة العين بالقلم الاسود علشان يدينى رسمه مختلفه عن الصبح و نحط تحت العين ايشادو.

• و يمكن نمشى بالقلم الاسود فوق الرموش علي طول بخط رفيع. و جوة الرموش كمان يمكن نزود الاسود عشان يدينا نظره عميقة.

• بنحط ايشادو فاتح تحت العين عشان يديها شويه نور جوا العين. بعد كدة نحط علية جليتر لانة موضه السنه دي. بس بنحطة فمناطق معينة.. تحت العين بس.. و ثم نحط الماسكرا و تبقي تقريبا خلصت العين.

الماسكره و الرموش

اولا: الرموش


الرموش بتشغل بال ناس كتير جدا جدا و خاصه العروسة.. يعنى مثلا مفيش عروسه الا و تقولى انتى مش هتحطيلى رموش؟ لازم احط رموش للعروسه فالفرح مهما كانت رموشك طويله او خفيفه لانها بتفرق اوى مع العروسه علشان كمان شكل الصور. لو استخدمتى فعلا الرموش بتدى شكل حلو اوى للعين و فنفس الوقت بتفرق جدا جدا مع الرسمه و بتفرق نفسيا..


• احنا النهارده هنحط الرموش كلها حته و احدة. و هى علي فكره بسيطه مش صعبه ابدا يمكن تحطيها لنفسك و تضبطيها و انتى باصه امامك فالمرايا.

ثانيا: بالنسبه للماسكرا


ففتيات بتحط ما سكرا ملونة، و الماسكرا الملونه يمكن تنفع مع حفله او مناسبه عادية. لكن اي حاجه رسميه او فرح لازم تحطى سوده او بني. و البنى دة انا بعتبرة مع الشقر اللى عينيهم ملونه و شعرهم فاتح و حواجبهم كمان فاتحه فلازم يستخدموا ما سكرا بنى و قلم كمان بنى بدل الاسود لان الاسود معاهم هيبقي صريح اوى لكن البنى ساعات بيبقي شكلة لذيذ.


• يمكن نزود من فوق العين شويه بنى عشان نعمل ميكس شويه مع الذهبي. و الذهبى اللى حطيتة بيدى ضوء و بيدى كمان نور للعين و شكلة ظريف. بعد كدة بنحدد الحواجب بالبنى و نبقي تقريبا خلصنا ميك اب العين.

• و بعد كدة نزود الروجاجو، و هنحس فعلا انها اتغيرت و عينيها ظهرت شويه و فنفس الوقت شكلها ظريف.

• هنحط الروج زى ما اتفقنا بالفرشاه الخاصه بيه.

• بنحدد شكل الشفايف و انا بنصح باللون الفاتح لان احنا دائما ما نكثر فميك اب العين فاللون الفاتح معاة بيبقي شكلة ظريف اوي. و يمكن بقي بالليل نكبر شفايفنا شويه علشان التحديد يبان. و ثم بنحط حاجه بتلمع شويه علي الروج علشان يبان و يبقي بسيط اوى و فنفس الوقت ما خدش معانا و قت و غير شويه فالش

  • صور ميكب سواريه


مكياج سواريه