مكملين هشام الجخ

 

صورة-1

 



للى مش فاهمين نزولنا

للى ما عاشوش ظلمنا و لا قهرنا و حسوش نزولنا

للى ما داقوش مر جوعنا

اللى ما ناموش فالشوارع كالدبايح

كملوا بالليل عشاهم م الصفايح

للى مش فاهمين مهانه الرجال

قهر الرجال

اللى بيقولوا علينا اننا حبه عيال

احنا مش حبه عيال

احنا شفنا النيل بينشف فالبيوت

واما يجرى يتفرش حمام سباحه فقصر باشا

مستكترين فالغضب؟!

ما انا كنت غرقان فالبشاشة!

كنت راضى ببق ميه و اقول: دى هانت

كنت باشكى فالقصايد

كنت باشتم فالقصايد

تتقطع ايدى اما قلت: “حبيبتى ما تت”

للى مش فاهمين نزولنا فالشوارع

احنا بندور علي الحلم اللى ضايع

احنا جرينا النفس فعروق عيالنا

يكبروا فاهمين اشياء ما فهمناهاش

اقبل انى اعيش عشان حلم و قضية

بس ما اقبلش ان عمرى يضيع بلاش

ما احنا سبنالكو البلد.. ما نصفتوهاش

ماتلوموش عاللى اتعجن فالمعجنه و اللى اتظلم

لذا كنتو فاكرينا غنم.. علي حظكم انا جدى فاق

فاكرين زمان.. حذرتكم

“مستنى اية من طفل ربوة بالزعاق؟”

لذا كنتو فاكرينا غنم

علي رزقكم انا جدى فاق

ارزاق

للى مش فاهمين نزولنا فالشوارع

الحكومه عودتنا علي الشوارع

بيتتنا فالشوارع

نيمتنا فالشوارع

الحكومه قفلت علي نفسها جميع البيبان

خوفتنا م البيبان

فاترمينا كلنا في حضن الشوارع

اكتر مكان لقيناة امان

*

للى خايفين على البلد لاقوى تموت

ماتخافوش.. الموت سكوت

واحنا مش فالخطه اصلا

ان بكره يصبح سكوت

احنا شايلين حملنا و مكملين

بكره بيشاور علينا و احنا مش مستعجلين

ما احنا لينا كام سنه متقندلين

صابحين فطين.. نايمين فطين

احنا بناسس بلد تسمع شكاوي المظلومين

نشتغل نلقي عرقنا قصاد عينينا

مش فجيب النصابين

نشتكي..

نلقي اللى يسمع شكوه الناس الغلابه الطيبين

احنا بنشكل بلد لا هى خايفه من صوت الادان..

ولا خايفه من ان الكنايس تتبني

احنا بنشكل و طن عفيان غني

مش و طن يخدم خمستاشر نفر.. و يبات جعان

احنا مش عايزين و طن مذلول مهان

المصرى مش لايقه علية كلمه “مهان”

ويقولك احنا عملنا فوضى!

احنا برضة عملنا فوضى؟!

احنا كنا بنتجلد

احنا كنا بنتسرق و نعيش و نرضى

كانت الاسعار بتغلا و كنت بارضى

والشرطه بتفتشنى عادى فاى و قت في اي حتة

بدون مناسبة.. و كنت بارضى

والانتخاب من سن كام لسن كام

ما اعرفش ليه.. و كنت بارضى

جاى النهارده تقول لى احنا عملنا فوضى؟!

طب فوضي فوضى!

ونتحاسب!

ماسوره الغاز بتقفلها لصعيد بلدك.. و (تل ابيب) بتفتحها

ماسوره الغاز بتقفلها علي و لادك.. و للاعداء بتفتحها

وناس شقيانه طول اليوم عشان لقمة

و(غالي) ياخدها من قوتهم.. الهى يارب يطفحها

وناس تسكن قصور بتدور.. و ناس الجوع بيدبحها

وناس بتموت فالميادين فدا الثورة

وناس خايفه علي مشاعرة لانجرحها

ياخي…!

*

احنا هانكمل و هنزق البيبان

يا رب.. انت المستعان

واللى بيقولوا علينا مغيبين

ومسطحين و مجوفين

ومعفنين و منتنين

وبلطجيه و ما جورين

قولوا براحتكم!

احنا برضة مؤدبين و مسالمين

بس احنا برضه.. مكملين

  • مكملين بصوت الجخ
  • مكملين هشام الجخmp3
  • قصيده مكملين هشام الجخ mp3


مكملين هشام الجخ