اول حاجه افتحى الفرن علي درجه متوسطة
تدهنى صنيتك سمنه او زيت و تبطنيها دقيق
ونيجى بقي للشغل المهم
تجيبى الخلاط بتاعك
و تحطى فيه
كوبايه زيت
كوبايه سكر
كوبايه لبن (او كيس لبن نيدو بجنية و معاة كوبايه ميه)
اربع معالقكبيرة كاكاو بودرة
واضربى يا اختي
هاتى بقي كوبايتك الروعه و خدى من الخلاط و املى ثلاث ارباع الكوباية
ودة يا قمرايه الصوص
حطية فالتلاجة
الباقى اللى فالخلاط اكسرى علية بيضه روعه و شويه فانيليا و اضربي
تكونى ناخله كوبايه دقيق روعه و كيس بيكنج بودر
وتحطى علية الخليط اللى فالخلاط و بالمضرب السلك و اضربى بالراحة
تصبى بقي فالصينيه بالراحة
هتبقي كده
صورة-1
وتدخليها الفرن و تسيبها علي الاقل نصايه و متفتحيش عليها الفرن خاااالص الا لما تحسى انها استوت
وهتبقي كده
صورة-2
طلعيها من الصينيه و ادهنيها بقي كدة زى الشاطوره من الصوص بتاعنا اللى حطيناة فالتلاجة
صورة-3
وسيبة فالتلاجه شويه فالرف اللى تحت الفريزر
وطلعيها و بالهنا و الشفا
- حلى الطبقات الثلاث