خطوات سلق الكرنب
صورة-1
اهم حاجة اننا نختار الكرنبة البيضاوية مش المدورة لان المدورة بتكون للسلطة او الكول سلو فنختار البيضاوية اللى بتكون و زنها اخف لان اللى و زنها تقيل دية بتكون مليانة عروق من جوة و مش هتكون روعة و نحاول نختار اللى لونها اخضر مش ابيض كدة الحمد الله اشترينا الكرنب 🙂 مننساش بقى نجيب الخضرة معانا بالمرة 😀 يالا كفاية رغى و نبدا بالمقادير 🙂
المقادير:
اولا مقادير سلق الكرنب:
-كرنبه-معلقة صغار ملح-معلقة صغير كمون
ثانيا مقادير خلطة المحشي:
-كوبان ارز مصري
-حبتين طماطم
-حبيتين متوسطتين بصل
-نصف حزمة من جميع من (كزبرة -شبت-بقدونس)
-عودين نعناع اخضر فريش
-ثلاثة ملاعق صغار ملح
-نصف ملعقة فلفل اسود
-معلقة صغار من جميع من (كزبرة ،كمون)
-نصف ملعقة صغار من جميع من (زنجبيل -كركم-بابريكا)
-رشة قرفه
الطريقه:
هنبدا بكيفية سلق الكرنب
-هنجيب حلة حجمها اكبر من الكرنبة و نحط بها ملعقة ملح و ملعقة كمون و نخلى المية تغلي
-واكون محضرة جنب الحلة اللى بها مية بتغلى مصفاة و تحتها حله
-لحد ما المية تغلى هشطف الكرنبة من برة كويس بالمية و هجيب الكرنبة و ادخل السكينة حوالين راسها اغرزها كويس لجوة على حواف راس الكرنبة و انزل السكينة تحت على ربما ما اقدر
-ولمى المية تغلي هحط الكرنبة زى ما هى فالمية المغلية و احاول انزلها تحت على اساس انها تكون كلها فالمية المغلية انا نزلتها بالضغط عليها بالسكينه
-بعد دقائق كدة او كام دقائق لمى الورق الخارجى اقوى انو طري(بس طرى مش اتهري) هبدا اشيل و رقة و رقة باى ما سك عندى انا استعملت مساكة الفحم فشيل الورق و بالتاكيد حركة التفريغ حوالين راس الكرنبة دة هيساعدك فشيل الورق
-وهحط الورق اللى شيلتو فالمصفاة اللى قلتلكم عليها
-وانا بشيل 3 او 4 و رقات و ابدا اغسلهم تحت ماء جارى و احطهم فطبق على جنب عشان افضى المصفاة للورق الباقي
-وهكذا اروع اشيل و رقة و رقة بنفس الكيفية و اغسل الورق و افضى المصفاة للورق الجديد لحححححد ما اوصل لجوة الكرنبه
-كدة خلصنا مرحلة السلق فية ملاحظة بالنسبة للسلق لو مش عندك حلة كبار قطعى و رقة و رقة قبل السلق و اسلقيهم متقطعين و اتبعى نفس الخطوات
-هنجيب بقى و رقة و رقة و نتنيها من النص
-ونقطع العرق بالسكينه
-ونقطع الورقة بالشكل دة مستطيلات رفيعه
-هنفردهم بقى هيكونو شرايط طويلة نقطعهم بقى حسب حجم المحشى اللى عاوزينو
-وهكذا و كذا لححد ما نخلص الاوراق كوولها و اما نخلص الكمية كلها انا بحب احطها فمصفة و اديها شطفة بالمية زيادة تاكيد كدة :))) و ثم بحطهم فطبق و اغطيهم انا بصراحة بفضل ادخلهم الفريزر قبل ما استخدمهم بيكونو اروع و اطرى بس دة براحتك يمكن تستعمليهم على طول
هنا حطتهم فطبق و دخلتهم الفريزر شوية ثلاثة ساعات تقريبا و يمكن بقى تحفظوهم بالفريزر اسبوع او اتنين
