صورة-1
طعم البعاد صبار .. و الغربه ليل بهتان
ياقلبي ياموجوع .. اياك تكون قلقان
لو طالت المسافات .. انا و الامل اخوات
و تالتنا كان الليل .. دة انا ليا بها النيل
و ليها فيا الروح .. ما اخترتش انني اروح
ما انا جوعي كان كفران .. ملعون ابوك ياطموح
اخرك تشوفلي كفيل .. لكني مش قلقان
تذكرتي رايح جي .. انا مش فبلدي عويل
لكني مش بتشاف .. زهره سنيني عجاف
مع انني ليا عزيز .. افتوني فرؤياى
لموا الاماني كيف .. حطوها علي الباسبور
احلامي صبحت بور .. ممنوع علية الضى
لكني مش قلقان .. تذكرتي رايح جى
البعد عنك خوف .. و انا عالرجوع ملهوف
لكن هعود كيف .. و مكاني كلة ضيوف
ياقلبي ياموجوع .. يا اهة حاضنه دموع
حب البلد بيعيش .. لما يموت الجوع
ياحضن بيساعني .. و احتجت له و باعنى
ساعه ما مد ايدية .. شاور و ودعنى
لكني مش قلقان .. تذكرتي رايح جى
- تذكرتي رايح جاي
- كلمات تذكرتي رايح جاي
