قصيدة ام الشهيد

محمد صلاح المصرى يكتب: ام الشهيد (قصيدة)

مش هلبس حاجه سودة

مش هعلن الحداد

أنا ابني لسة عايش

منور البلاد

أنا ابنى اجمل غنوة

يرددها الولاد

أنا ابني كلمه حلوه

فى قاموس الامجاد

أنا ابني ما ت شهيد

بس عايش فالسما

أنا ما ت سعيد

عشان رجع حقنا

أنا ابنى عايش متهني

فى جنه ربنا

أنا ابني مغبش عني

دى روحة و سطنا

أنا لسة شايفه صورته

وصوتة فو دننا

أنا لسة بايسه قورته

وهو بيقولنا

هنفدي يا امي بلدنا

بكل نقطه فدمنا

هنحميها عشان و لادنا

ميشربوش مرنا

مش هنسيب حد خاين

عايش و سطنا

يأخذ قوتنا و قوت عيالنا

ويمص فدمنا

بإيدة يقرر مصيرنا

يجوعنا و يذلنا

أنا ابني ادى المهمة

أنا ابني ادي الرسالة

حمى بلدة بزمة

وأنا مش طالبه غير العدالة

 

من ديوان: “شفتنى و أنا ميت”.