طريقة عمل التورتة الاسفنجية بالصور

اسهل كيفية لعمل التورته الاسفنجيه و لا المحلات



المقادير


6 بيضات *** كاس سكر مش مطحون


كوبايتين دقيق *** كاس ما ء


فانيليا و ملعقه صغيره بكنج بودر


و اهم حاجه ملعقه كبيره محسن كيك

الطريقة


هنضيف جميع المقادير علي بعضها


اللي هي السكر و البيض و المايه و تكون دافيه و الفانيليا و محسن الكيك


و هاتيك يا ضرب بها ما ترحمهاش لغايه ما تتقل و تملي الطبق و متخافيش ان شاء الله مش هاتهبط


بالتاكيد لازم مضرب كهربى


و بالتاكيد تكوني ناخله الدقيق و البكنج بودر


و تضيفي شويه بشويه و انتي بتضربي بالمضرب علي السرعه الهادي


و متخافيش مش بتهبط و لا بتتعبك خالص


و تكوني مسخنه الفرن من قبل ما تشتغلي و تدخليها تقريبا علي حراره 200 او علي حسب فرنك


التورته الاسفنجيه بتحب الحراره الهاديه بس مش هاديه اوي يعنى


و اوعي تفتحي الفرن قبل تلت ساعه و تكون فتحه صغيره و لما تستوي اقلبها علي منخل سلك


و سبيها تبرد خالص و ثم قطعيها و زوقيها بالتاكيد جميع و احده و زوقها


طريقة عمل التورتة الاسفنجية بالصور