تورتة سهلة جدا جدا و شيك جدا جدا و تكلفتها بسيطة جدا
صورة-1
المقادير
نصف كيلو دقيق تورتة جاهز من العطار
6 بيض
نص كاس ما ء
ملعقة كبار محسن كيك
2كوب كريمة باودر
2كوب لبن
نصف كيلو فراوله
جوز هند
باكوجيلي فراوله
شربات خفيف او اي عصير متوفر هنسقي بية الكيك
الطريقه
نحط البيض و المحسن و الدقيق كلة مع بعضه
و نضربهم معي بعض مدة عشر دقايق
نخفق البيض كويس جدا جدا فبالمضرب الكهربائي و معة نص كمية الماء و المحسن لغاية ما يبقي لونة فاتح
نضيف الدقيق بالتدريج و نقلب من تحت لفوق بمعلقة خشب و باقي كميه الماء و نخفقة بالمضرب مدة عشر دقايق تانى
نكون مجهزين الفرن علي درجة حرارة 180 ..
ومجهزين الصنية مقاس 26 مدهونة بالزبدة و مرشوشة بالدقيق
و يصب بها الخليط
و نحطة فالفرن مدة 40 دقيقه
ممنووووووووووع منعا باتا فتح الفرن قبل 30 دقائق يمكن تراقبيها من و را ازاز الفرن
هتطلع معانا بعد التسوية كيك هايله
بنسيبها بالتاكيد تبرد لتاني يوم اروع حاجة … او يمكن نشتغل بيها يمكن بعد ساعتين
انا قسمتها 3 طبقات
ونكون محضرين شربات خفيف بارد عبارة عن نص كاس سكر و نص كاس ميا و يغلو مدة عشر دقايق
ونسقي بيهم الكيكة كويس
و نبتدي التزيين بالكريمه
بعد ما نكون عملناها و حطيناها فالتلاجة لسهولة التزيين
لكل كاس كريمة باودر كاس الا ربع لبن ساقع و نضربها بالمضرب لحد ما تعترف
نضيف الكريمه
نخلص التلت طبقات و نغلف الكيك كلة من برة بالكريمة كده
و ندخلها التلاجة شوية ربع ساعه
و نعمل علي الاجناب و ردات بالكريمة كدة و ندخلها تاني لحد ما نقطع الفراوله
نقطع الفراولة شرائح كدة و نكون مختارين حبات الفراولة ال كبار اللي لونها حلو كدة و احمر
و ثم نبتدي نلزق الاطراف بجوز الهند اظن مفيش اسهل من كده
و نعمل ملعقة و حدة من الجيلي علي ملعقه مية و نسيبهم يبردوا مش سخنين
يهدوا بس يادوب و نلمع بيهم الفراوله
- اشغال يدوية للتزبين
- طرطات بسيطة