صورة-1
بحبك يا مصر و بعشق ترابك
و الف المداين و ارجع لبابك
و احس بكيانى و كرامتى فرحابك
يقولوا فقيرة
يقولوا اسيرة
بشوفك اميرة
و احبك يا مصر
بحبك ملاية و منديل بقويا
مقالب من اختى و غتاته من اخويا
و دعوه من امى تنسينى همي
و حكمه من ابويا
و احبك بنوته علي البحر جاية
فساعه عصارى
و نسمه قبالها تطير فشالها
تبين جمالها و ترجع تداري
و احبك مراكب تعدى اللى راكب
لبر الامان
يدوب جوا نيلك و يعطش يجيلك
يقول لك كمان
و اقابلك ببوسه فزفه عروسة
و لمه فبيتنا
مع و لاد حارتنا
تدق المزاهر ترد المزامر
تزغرد جارتنا نهلل نغني
و حلم التمنى ينور ليليتنا
و احبك زياره لبيت عم سيد
دة اصلة فقير مش حيقدر يعيد
نعيد علية نفرح عنيه
و يدعيلنا دعوه بمليون جنيه
فارضك يحس الغريب
انه مصرى و احنا الاجانب
و يلقي الرعاية
و يلقي الحمايه علي جميع جانب
و يمشى فربوعك
و يشبع بجوعك و يعمل مصايب
و يرحل و ينسي جميلك
و يقسي و يطلع يعايب
و يرجع تسامحي
يا ساكنه فملامحى يا ست الحبايب
و لادك بنوكى بروحهم فدوكي
و يشهد عليهم ترابك فسينا
و منهم باعوكي
عشان الشيروكى و فيلا فمارينا
يعيشوا فخيرك
و يدوة لغيرك و لاد الذينا
و لو جار زمانهم يعودوا لمكانهم
يلاقوا السكينة
و تنسى جحودهم
و تبكى عليهم عنيك الحزينة
فارضك سرحت و فشلت
و نجحت و عشت ببساطة
صاحبت الحمام
و نمت فسلام و لو عالبلاطة
تغير فشكلى همومي
و مشاكلى لكن روحى لا
اعبر بغنوه و اقول نكته حلوة
لكن ياس لا
ما طيقش الغتاتة
و قلبى المسالم ما يعرف شماتة
و اقول بالتلاتة
بحبك بحبك بحبك يامصر
