بوقالات جزائرية

 

صورة-1

 



هدة بوقالات من قلب الجزائر


1 .هبط لقاع البحر ، فرشت زربيه ، خرجت لى جنيه ، قالت لى و اش بيك يا بنيه ؟ قلت لها راحوا حبابى و خلاونى و حدانية.


2 .لو كان السعود تنغرس بالعود نغرس ميات عود فو طيه ، لكن السعود بيدك يا معبود . يا سقام السعود سقم لى سعدى.


3 .طلعت للغابه ، صبت الضرو يابس ،قتلوا يا ضرو القمر يمشى و لا حابس ، قالى مفرش زربيه و حذاة طاوس .


4 .رشيت عتبه الباب بالزهر و الطيب ، و سقيت جميع الاحباب بالعسل و الزبيب ، و كي نسيت جانى جواب كنت نستناة من عند البعيد.


5 .مديت لقاع البير و فرشت زربيه ، حرقست حرقوس ذهب من راسي لوذنيه ، فرحى يا يما سعدي زها ..و استشفاى فالعدو الي استشفى ف.


6 . يما يما ديريلى تويقه فو سط الحديقه باش نشوف زهري كى تجيبو ذيك الوريقة.


7 . ديديو..ديدو..انا سعدى مليح ، قنديلى ضاوى ، البنيان الي بنيتو قع سجالي ، بنيانى فوق غرفه و لى يخصنى يكملهولى العالى .


8 . عسل يا عسل فباقه خضرا ، يا شميمت العاشقين يا قمرا ، حلف سيد الملاح ما يراس امر غير اذا جات غزالتة باش تكمل الحضرة.


9 . الداليه دلات ..و دل العنقود ، خلى القمر ينكشف ، و السحاب يذوب ، و خلى لالات النسا تنال المرغوب.


10 .خرت نهار الجمعه ، فيدي شمعه ، قالولى امسحي ذيك الدمعه ، و انساى الخلعه ، قريب يتلموا احبابك و صحابك و يفرحوا معاك الجماعه .


11 . الناس تندة بالرجال و الوالى ، و انا نندة بربى العالى .


12 . حوم حوم يا حوام ، حوم فوق السطح العالى ، و قول لها يا لاله يا زينه لفتيات و خدودها براقه ، و عيونها غراقه ، صارت جميع القلوب ليها سباقة.


13 . كلام علي كلام و الكلام علي سقيله ، العين فالعين و الدعوه مقبولة.


14 . يا شمس و اش بيك ذابله ، الا لابيك الزين رانى نفكر فيك ، و اذا بيك الزهر ربى ما يتخلى عليك .


15 . محبس منقوش ، مربى علي الفشوش ، ما يحمل الهانا ، اصبر يا خاطرى حتي يفرج مولانا .


16 . لزيت لباب الرياض ، الورد عالباب النرجس باسنى ، الزهر عنقني ، و الياسمين ما بغ يكلمنى .


17 . قطعت اللحم بيدي و عملت بذور ، و سمعت الكلام بوذني و عرفت من قالو ، يا قايلين الكلام القبيح و اش تربحوا ، انا طاوس فالقصر و انتم خفاش النهار ما يضوالو.


18 . جزت علي جنيه ، قالت لى و اش تحوسى يا و ليه ، قلت لها ما ني نحوس لا علي ما و لا علي جاة ، نحوس علي من ضيعت يولى لى .


19 . جايز علي باب دارنا ، لابس تلمسانى ، قتلو يا شيخ بالاك تنسانى ، قالي و الله ما ننساك ، و نصيبك علي ربى جاة و سلطاني.


20 . امنت بالله ، و المنام رؤيه من عند الله ، حمامه بيضه جات ترفرف على ، معاها حصان توقف بين يدى .


21 . نبعث لكم دموعي فمشوار زرق ، و نبعث كلامى فبريه تحرق ، ما ننساكم يا ناسي بحق مكه و بلاطها لزرق.


22. سمعت قر الحمام فقاع السجنه ، لا من سقاة الما و لا من طاة شعير ، يا قمر ..الحمام يعى و يحن ، و تتعمر النافوره ، و نعودوا لزمانا كيما كنا .


23 . خرجت ليله الجمعه ، فيدي شمعه ، خرج لى ملاك حنين قالى : يا فتاة السحاب حاجتك راة مقضيه ، قلت لية : يا سيدى طالت المده ، قالي : روحي لدارك تصيبيها قدامك .


24 . خرجت بدر البدور تتزعبل فالمور ، تلقت هذوك الشعور ،علي الخد الي ينور كالتفاحة.


25 . دارنا فالجبل ، مقابله مكه ، مفتاحها من ذهب ، يشعل ما يطفى .

  • بوقالات صباحية
  • بوقالات جزايرية
  • بوقالات صباح الخير
  • بوقالات مضحك
  • بوقالات عن صباح الخير
  • صور صباحية هزلية جزائرية
  • بوقالات جزائرية صباحية
  • بوقالات جزائرية صباح الخير
  • بوقالات جزائرية بالاسماء
  • بوقالات الصباح


بوقالات جزائرية