صورة-1
انا اخوان و جميع المسلمين اخوان
فمالتصنفش ديني على كيفك
حقيقتى احسن من زيفك
و صوبعى لوحده بكفوفك
و لاتهزش قصاد خوفك
ياخوف يا جبان انا اخوان
بطيع الله فملكوتة
و بدعى يزيدنى من فضله و من قوتة
و اصلى و اصوم
و جاهد نفسى و اصبر عالبلا و احمد و حمدى يدوم
لانه الرازق الوهاب و هه مسبب الاسباب
فليه الفضل و المنه و ليه الطاعة
فماتبصش لدينى نظره طماعة
انا اسلامي لا هو سلعه و لا بضاعة
و لا ليه سوق
لا انا بايع و لا شاري
ايمانى هوه راسمالي
فاصحى و فوق
ما نيش اخوان على نهجك
فلم من الدروب همجك
كفايه شقوق
مش انته لوحك الاخوان
انا اخوان بحق الله و بالسنه و بالقران
و قت الجد انا عثمان
و قت الحرب انا حمزة
و وقت الفصل ببقى فالروق
انا اخوان على الرحمه و عالتقوى و حب الناس
لكن عمرى ما هتاخون باخونتك على الصندوق
عينيكم بها جميع النور و مش شايفة
غباوه انك تهدد ناس ما هيش خايفة
بتهدد فمين يا حزين
ده انا الاهه اللى طلقوني
و جيعه و سارحه فالشارع
و مش يمكن هتخفوني
هتسمعنى و غصب عن عنيك الجوز على دماغك هترفعني
انا الناس اللى عاشت تحت خط الفقر
و انا الناس اللى ما تت و ملتقتش القبر
فسيبك ما للى بيجاملك و اللى بيهيص
و ركزلى و اسمع كلمتى كويس
انا الثوره اللى عمله منك الريس
انا اللى يادوب من سنتين
كنا بنتحبس صحبة
و كنا بنتجلد صحبة
بتبعد ليه و تكتب عالطريق غربة
بتمش فالطريق الصعب و حك لية
مهملنيفلو صعبه عليك الشيله شيلني
تلاقينى معارضك اه لكنى و راك
بقدف فالسفينه معاك
اكون و دنك اكون عينك
اكون جوه فدراعينك
نبنى بلدنا لهوانا
مش لهواك
و خيرنا يبقى جوانا مش جواك
مش انته تخدلى فالقرارات و انا امسح بايدى …..
ما تتلككش بالناس اللى بيعارضوك
ما تتشتش ما تتسوحش
بلدنا عايزه ريس و حش
يسمع نقده بودانة
ما يتكبرش
يصبح جبار على الظالمين
رحيم بينا ينام بينا
و يقوم بينا
يمشى يبص فالشارع على الجعانين
و يفهم ان فالشارع شباب ثايرين
ملحقوش يبقوا كارهينك
فماتزودش نار الكره فقلوبهم
شباب شايف فلوس بلده مش بتخش فجيوبهم
ما تخدعناش ببقين من بتوع حسنى يا مولانا
و ريلنا كلام
و صدى من الغنى قفانا
ما تدبحليش حمامه يتيمه على عينها
و تفنعنى انه ديك رومي
ما تلعبش انته فالميه و تمسح ايدك المبلوله في هدومي
و مش جميع اما توعد و عد تطلع بق
و ما تشدش فرامل اليد و تطلب منى انزل ازق
و لما الناس تكون ثايره و مختلفه ما تخطبليش في اتباعك
و لما تكون مع و زيره ما تعبليش في ……..
و لا تسمعنى و لا اهلى و لا عشيرتي
و خيرنا يبقى لبلدنا قبل ما ابص على جيرتي
بلدنا احواض من البركه و عمر النيل
بلد دفيانه بالقران و بالانجيل