صورة-1
قصيده الثوره فين ؟
صباح نضيف يامعلمين .. صباح شريف .. سؤال خفيف ..الثوره فين ؟
الثوره فين ؟
الثوره قامت امتي طيب حد فاكر ؟ يوم التلات ؟
طب حد فاكر اسم حد اتصاب و لسة عايش او حتي ما ت ؟
طب حد عارف اد اية اللى اتعموا ؟ طب حد فاكر اسم و احدة من اللى ما توا من البنات ؟
طب حد فاكر الغاز و العياط ؟
طب حد فاكر نومنا قدام المجمع على البلاط ؟
حد فاكر اللى ما توا فالانفلات ؟
طب حد فاكر اي حاجة من اللى فات ؟
حد عارف هم و دوا الثوره فين ؟؟
لو سمحت الثوره فين ؟
الثوره و ياك يابن عمى ؟
عندك يابويا ؟ عندك ياامى ؟
معاك ياكابتن ؟ كانت هنا مشفتهاش ؟ شبهنا و لابسة زينا ملمحتهاش ؟
الثوره اهى ؟
ايوة صح الثوره اهى ..
بس لابسة الميرى لية ؟ !
هى لابسة الميرى لية ؟ !
الثوره لابسة الميرى لية ؟!
قطعولها لبسها و لبسوها الميرى لية ؟ !
هم العسكر خطفوا الثورة ؟.. و لا يكونشى الثوره دى عورة و مخبيها الشيخ ابارى ؟
و لا يكونشى الشيخ ابارى هو و شله جيش النوره .. متفقين يتقاسموا فدارى ؟
و لا يكونش كمان الثوره تبع التجنيد الاجبارى ؟
فى حد ياتمن العساكر ؟ طب يابنى ذاكر ..
ما قالولنا ثوره و بردوا ركبوها العساكر
و العساكر لما ما ت العسكرى بردوا ركبوها العساكر
و العساكر لما قتلوا العسكرى و سط العساكر بردوا ركبوها العساكر
و اللى فاكر ان ثوره مصر قامت فانتهى حكم العساكر مش مذااااااااااكر
و العيب لا على العساكر.. و لا على اللى بيعبدوهم .. و لا على اللى مغيبين ..
العيب عليكى .. العيب عليكى ياثوره المؤدبين
و بتسالونى الثوره فين ؟
لم تدرج فالتسجيل
الثوره كانت فالميدان زى النهارده ..
و انطفت لما جة الغربان و لما النسر عدي ..
ضحك علينا النسر و قال …… هيحمينا ..
غلابه احنا و سلمنالة و نسينا ..
و متنا احنا .. و لسة الدم فادينا ..
و النسر و الغربان خانونا و قاموا بالثوره المضاده ؟
و بتسالونى الثوره فين ؟
الثوره فجيوب العساكر .. و لا عزاء للكتيانين ؟
الثوره فادين اللى بيبيحوا الدياثه .. و بيقولوا دين ؟
الثوره ناسها متمرمغين فالطين ..
الثوره قاطفين و ردها
الثوره هاتكين عرضها
الثوره احنا معاها و العساكر ضدها
الثوره لو بتحبها .. رجعها من ايد الغجر و السفاحين ..
الثوره فين ؟
الثوره قام بيها الشباب الطيبين ؟
و حصد كراسيها اللى كانوا منفضين و ما نتخين ؟
و اللى ما شيين بالجذم جوة روسنا من سنين ؟
…………..
اغبيا و الغبا ..عند بعض الناس هوايه و موهبة
حطوا روسهم بين سنان العقربة
و بالامانى بيحلموا و بالامل مستنيين ..
متغيبين مش طيبين متغيبين
…………….
لم يدرج فالتسجيل
متعلموش و محرموش من العساكر ! و عمالين يهلفطوا و يكفروا و يهلوسوا
تقولهم انا اخوكو … دول طول حياتهم بيبعوكوا .. و لا حد فاكر .. طب البسوا
تقولهم العسكرى عندة خازوق بيانتكة و يهندسة ..
يغضبوا و يكفرونا يقولولنا عيب بس اخرسوا ..
العسكرى يارب ربنا يحرسة ..
طب مرتاحين ؟!!!!!
اهو نصنا قاطع و بيموت فالميدان .. و نصنا فالبرلمان .. نواب و رق و اتقرطسوا !
يلا البسوا و متسالوش الثوره فين ..
اة يابلد تدى الفرص لحورتجي
اة يابلد فيكى الشهيد بقة بلطجي
و السفية عامل مناضل ثورجي
و االثورجى بيقولوا عنة مستفيد و اونطجي
و بيحكمك حبه عجايز عيانين
جاوبينى قولى الثوره فين ؟
اة يابلد عاشقه اللى داسك
اة يابلد ملعوب فجدرك و فاساسك ..
ناسية اللى كان بيموت و وطى على ارضك و باسك ؟!
بتبعينا ؟!
بتبعينا و تحضنى فكلاب ياطيبة بيقتلونا .. ياطيبة دول اخرهم يبقوا دواسة لمداسك ؟
احنا حراسك ياطيبة احنا ناسك
ناسية خالد ؟ ناسية مينا ؟ ناسية بسيونى و بنونة و مصطفى و سالى و حسين ؟
اخييى ياطيبه
طب فاكرة مين ؟
ياطيبه قولى الثوره فين ؟
ياعالم هو ذمب انى بالحريه بحلم ؟ هو ذمب لما ادافع عن كرامتى ؟
ذمب اقول للى حاكم ارضنا .. مش هنقبل فينا تظلم ؟
ذمب اقول للى هاتك عرضنا .. انت مجرم .. ؟
هى ناس بتموت .. و ناس تحكم ؟
هى ناس تتعمى .. و ناس بالعمى تتحكم ؟
و ناس بالدم تتغطي و ناس بالدم تتوضى .. ؟!
و ناس للقبله بتصلى .. و ناس للمجلسين تحرم ؟!
و ناس بتموت عشان غيرها .. و ناس كسلانة تترحم ؟!
يارب ياللى من العباد احكم .. احكم ..
يارب اخوبا ما ت .. و اخوبا التانى بيقولى ياكافر ياللى مش مسلم !
و اختى عراها اليهود .. اختى عراها الجنود .. و اخويا فعرضها اتكلم ..
و اخويا بيتعمى و بيشوف ..
و اخونا بيرتعش م الخوف شايفنا و شايف الظالم لكنة كفيف
اخويا اعمى و كمان ابكم
اة يابلد فيكى الشهيد مجرم
اقولك نفسنا نجيلك .. اجيلك الاقى بينى و بينك عسكرى محرم !
نثور ما سكين قناديلك .. نجيب احلامنا و نجيلك .. و فرقابنا بنحنيلك .. و بردوا قفانا يتعلم!
بسيطه هثور تانى و هتعلم
و هربط جرحى و اتالم بسيطة
هثور تانى و اموت تانى و هفرد روحى ليكى طريق و عضمى مرتبه و سلم بسيطة
هلم فجوفى احباطى هقطع جميع ابياتى و هكتب ليكى شعر جديد بدمى ياطيبة على الحيطة بسيطة
هكمل .. و لو ايدى فرجليا و فرقبتى بالف كلبش مربووطه بسيطة
هكمل .. و لو اعمي و لو محبوس .. و لو هتدوسنى جميع مدرعات ابليس .. تدوس
و لو فوق راسى الف سلاح.. و لو جميع اللى فيكى رخيص ..
و لو مفضلش غير انتى و سجانك و جميع خسيس ..وانا لوحدى .. هكمل ..ولو و حدى هكمل
اتعمى اتصاب اموت .. و تفضلى على راسى محطوطه بسيطة
و بعد ما اموت امانه يامصرتتعافى .. و شوفى النور على اكتافى ..
و فوقى ياطيبة الطيبة بلاش طيبة العساكر زى الديابه حويطة
و قولى للعبيد تخرس .. و لولادك تقوم تحرس .. و طول ما فيكى المخلصين
هتبقى عارفه الثوره فين ..
- الثورة فين
- الثورة قامت حد فاكر يوم التلات
- تحميل قصيدة صباح شريف سؤال خفيف الثورة فين
- كلمات قصيدة الثورة فين
