صورة-1
فطير مشلتت
اليوم. على الفطور عملت فطير مشلتت و صورتة لكن و ان شاء الله يعجبكم
بالتاكيد الفطير المشلتت فطور مصرى اصيل خصوصا فالصعيد و القري
نبدا بسم الله
المقادير بسيطه جدا
نص كيلو طحين تقريبا 3 كوبايات
و ذره ملح
و ذره سكر
و كوبايه و ربع ما ء
تنحط كلها على بعض فالعجانه او بايدك اهم شئ تعجن لمدة طويلة
ونسيبها ترتاح ساعه و دا مهم جدا جدا عشان تتماسك و ما تتقطع و قت الفرد
بعدها نقسمها 8 قطع و ندهنها بالزيت
و نغطيها ترتاح نصف ساعه كمان
نييجى لمرحله الفرد
هنحتاج قشطه و زبدة
انا استخدمت علبتين قشطه المراعي
و 250جرام زبدة
ولو سمن بلدى و قشطه فلاحى يصبح اجمل و اطعم
ناخذ اول قطعه عجين و نفردها على الرخامه و نحط تحتها زبده و فوقها زبدة
و نفردها و نمطها بااليد لحد ما تكون شفافه جدا
و نطويها و ندهن الوش بقشطه و نركنها على جنب
و ناخذ قطعه تانيه و نفردها بنفس الكيفية و نجيب الاولى و نحطها فالمنتصف
و نطوى الثانيه عليها بعدها باقى القطع بنفس الطريق
بمعنى الاولى داخل الثانيه و الاولى و الثانيه داخل الثالثه و الثلاثه داخل الرابعه و هكذا. و نضغط عليها باليد بشكل دائري
و نتركها ترتاح شوي
و نضعها ففرن ساخن مدة 20
دقيقه فالرف الثاني من تحت
اول ما تطلع سخنه تغطيها بقصدير
لحد ما تبرد شويه و تقطعيها و تقدرى تعملى كمية
و تقطعيهم و تحطيها فالفريزر و وقت الطعام تسخنى فالميكرويف
كانها لسة طازة