صورة-1
عبارات الاغنيه البدوية علم لكل حرف علم يامغوارى
(أ(
ابكى علية ليل نهار… عزيز كان يا عين و اجعك
ب
براده الله يطيح… سعد الياس مو ديمه قوي
ت
تماضي غلاك معاي… حتي الياس ما طال يمسحه
ث
ثلاث ذابلات الروح… تمويح دار و رياف و جضر
ج
جبيت و العيون معاك… يا عزيز فيك يوادعن
ح
حتي الصبح عندى ليل… علي عزيز عينى باكية
خ
خايف العقل يجول… ينال جرح و يغيب الدوا
د
دعاى يا عزيز عليك… تلقاة فتراديد النفس
ذ
ذابلات كيف الغصن… بعد عزيز هضا حالهن
ر
رقيق يا تراب العقل… نسوم ريح لولاف شايلك
ز
زهرن و ين جاهن صوب… و ذبلن و ين غاليهن نقص
س
سبايب امراض العقل… تبع العين و العين ضالة
ش
شاوى عليك الدمع… و إلا عزيز يا عين ناسية
ص
صحيح يا عزيز الصبر… يعود خير غير نا منين لي
ض
ضليل رايها ما زال… العين بالمراهين شاقية
ط
طالن امراض العقل… نين هان على اللى يساولوا
ظ
طلمن خاطرى ليام… و معاة كيف ما دارن قبل
ع
عزاز خلفوا فالعقل… جثامه تالى الليل ترقعه
غ
غلاك عظم كسره قند… شقي طبيب عاناة سيبه
ف
فراق العزيز صعيب… يستاهل عزا يا خاطري
ق
قسامى بلا غيات… للخاطر الله لا يجيبهن
ك
كذاب من تشيط معاه… و يقول نا نوارى نارهم
ل
للناشد انقول بريت… و هى معاى نار كابره
م
ما من اللى في العقل… مردومه و كامى سرها
ن
نستاهل انكان الحمت… نار طافية نابشتها
ه
هتايا يلمو فيه… و را عزيز ما زال خاطري
و
و حلت فضلال العين… كبرت نار على النار لوله
ي
يسقيك صوب صافى ما ه… العقل يا علم لو تقادره
- اغاني بدويه
- تحميل اغاني ابدويه
- تحميل اغانيبدويه