احياء القاهره
خريطه القاهرة – 1933
تم بناءالقاهره علي ايد الفاطميين سنه 969 و اتسعت مع الزمن حتى شملت عده مدن ثانية =كانت موجودةفي جنوب القاهرة كمدينه الفسطاط ( بنيت عام 642 ) ، و مدينه العسكر (بنيت عام 752 ) ، و مدينه القطائع و التي اسسها احمد بن طولون سنه 870.
من اهم احياء القاهره:
- مصر القديمة : حي مصر القديمه
- الجمالية : حي الجماليه
- الأزبكية : نسبة للأمير ازبك اتابك الجيش المصري فعهد السلطان الأشرف قايتباى. حي الأزبكيه
- بولاق : حي بولاق
- الحسينية : حي الحسينية و الظاهر
- الظاهر : نسبة للسلطان الظاهر بيبرس. حي الحسينيه و الظاهر
- جاردن سيتى : اسسة السلطان الناصر محمد بن قلاوون. حي جاردن سيتى
- القبة : شوف حي القبة
- باب اللوق : عرفت قديما بخط الإسماعيليه نسبه للخديوي اسماعيل. فبدايات العصر المملوكي كانت ارض زراعيه سميت ” لوق ” لانها كانت بترمي ” لوق ” لما بتبدا زراعتها بعد الفيضان اللي كان بيغمرها. فضلت ارض زراعية لغايه سنه 1261 لما بني بها الظاهر بيبرس بيوت للمغول الوافدين ، و ثم اتحولت لأرض زراعية تاني لغايه سنه 1858 لما بني بها الخديوي اسماعيل مباني و بيوت و قصور و ظهرت بها الشوارع و الميادين
- بولاق الدكرور : كلمه دكرور متحرفة من كلمه ” تكرور ” و هما قبايل افريقية سود جم مصر من غرب افريقيا. اتعرفت زمان باسم يمنيه بولاق ، و بعد ما عاش بها شيخ و لي اسمة ابو محمد يوسف بن عبدالله التكروري فالعصر الفاطمي اتعرفت ببولاق التكرور. سنه 1863 اتحول مجري النيل ، و هدت الدولة المسكن فبولاق التكرور سنه 1868 ، و عزلت الناس للمكان الحالي اللي فية المتحف الزراعي و بيتقال ضريح الشيخ يوسف التكرورى.
- أثر النبى : بيتسمي بالإسم دة عشان موجود فية حجر قديم علية شكل قدم بيعتقد الناس انها اثر لقدم النبي محمد. اتنقل الحجر دة للحامع اللي بناة الظاهر بيبرس و بني فوقية قبة لسة موجوده. فالحي دة فية كمان دير مسيحي مشهور اسمة دير الملاك.
- الإسماعيليه : اتنسب للخديوي اسماعيل . من احياء القاهرة القديمة ن بيمتد من غرب حي الأزبكية و شارع عابدين للنيل و قناه الإسماعيلية اللي كانت بتبدا شمال موقع متحف الأثار المصرية لكن اتردمت. الخديوي اسماعيل شيد الحي دة علي النمط الأوروبي و منح اراضية بالمجان للي يتعهد انه يبني بيت =قيمتة مش اقل من 1200 جنية فمده 18 شهر.الحي اتميز بأوتيلاتة و كنايسة و بيوت و سرايات الأعيان و القنصليات. كان فية معسكرات قصر النيل اللي اتدمت فاربعينات القرن العشرين و اتبنت مكانها جناين التحرير و فندق النيل هيلتون و مقر الاتحاد الاشتراكي و جامعه الدول.
- إمبابه : علي الشط الغربي للنيل اتجاة بولاق علي بعد 10 كيلو من الجيزه، بيوصل ليها شارع 26 يولية و كوبري الزمالك. اتعرفت باسم انبابة قبل الإسم ما يتحرف لإمبابه. حصلت بها معركة بين جيش نابوليون بونابارت و بقايا المماليك فالعصر العثمانلي (1798).
- الخرنفش : اسمة متحرف من كلمه ” الخرنشف “. ايام الفاطميين كان ميدان جنب القصر الغربي و البستان الكافورى.
- الخليفه : بيتعرف كمان باسم حي القلعة لإن قلعه الجبل بتطل عليه. موقعة فجنوب القاهرة و شارع القلعة بيوصلة للعتبة الخضرا فقلب القاهره.
- السيدة زينب : السيدة زينب حفيده النبي محمد و فتاة الإمام علي ، راحت مصر و سكنت المنطقة دي فضيافه و الي مصر فقصرة اللي اتحول بعد و فاتها للضريح الحالي فميدان السيدة زينب و اتنسب الحي لإسمها.
- عابدين : بيتنسب للامير اللواء السلطاني عابدين بك اللي كان ساكن ناحيه سويقه صفية جنب الزير المعلق. جدد جامع الفتح اللي فالحي و كان جنب بيتة فأتنسب اسم الحي ليه. لما بني الخديوي اسماعيل سرايه عابدين دخل الجامع فحدود السرايه.
- شبرا : فالقرن 13 كان مكان بتغمرة ما يه النيل ، لما ظهر فالتقسيم الإداري لأحياء القاهرة كان بيتكون من جزيره بدران و كوبري شبرا، عد سكانة فالوقت دة كان 1091.
- زينهم : اتبني علي اطلال مدن العسكر و القطائع جنوب حي السيدة زينب.
- العباسيه : بيتنسب لوالي مصر عباس حلمي الأول اللي عمرة و بني فية فسنه 1849 معسكرات للجيش ، و ثم تبعوهم التجار و الأهالي و بنوا فية بيوت و دكاكين جنب المعسكرات. الأراضي كانت بتديها الدولة بالمجان للي عايز يبني عليها و بكدة اتوسعت المنطقه. ايام الخديوي اسماعيل كانت مباني الحي دة ما بتتجاوزش المنطقة اللي بين الزعفران و القبة الفداويه.
- الصاغه : دة حي الصيغة الذهب فالقاهرة ، بيتفرع من شارع الموسكي قبل الازهر و بينتهي عند خان الخليلي و النحاسين. فية محلات كتيرة بتبيع الصيغة و الأحجار الكريمة ، و بيتميز بحوارية الضيقة و بيتسمي شارع الذهب.
- الصليبه : اتعرف بالإسم دة لإن بتتلاقي فية شوارع الصليبة و شيخون و الركبية و السيوفية ، مكونة شكل صليب اتجاة سبيل ام عباس. بيتميز الحي دة بأثار مصرية رائعة من العصور الوسطى.
- طره: اسمة الأصلي ” طارو ” اسم فرعونى. بيتعرف دلوقتي باسم طرة البلد عشان يتميز عن منطقتين تانيين انفصلوا عنة سنه 1932 و ههما طره الحجارة و طره الاسمنت. فسنه 1941 عثر علما الأثار فالحي دة علي منارة قديمة فجبل طرة بها مخطوطات بتتضمن تفسير للكتاب المقدس من القرنين اربعة و خمسه.
- الفجاله : موقعة بين شارع كلوت بك و حي الظاهر فجنوب شارع رمسيس ، الفرنساوية كانوا اول اللي نظموا شارع الفجاله.
- مسطرد : اسمة الأصلي ” منيه صرد ” لكن الإسم اتحرف فالعصر العثماني . كان فية سرايا صغار لمرات الخديوي عباس حلمي التانى.
- الباطنيه : حي قديم جنب حي الأزهر.
- البساتين : فجنوب القاهرة ، كان اسمة زمان بساتين الوزير. البساتين دي بتتنسب للوزير ابو الفرج محمد و كانت موجودة فشرق بركه الجيش.
- صباح الخير من القاهرة بالصور