صورة-1
يا غايب الك و حشه و نجوم الليل تحجيهة
بدونك دنيتى ظلمه عسانى لا عشت بيهه
برسمك اصبر العين لو هزة الفراك
بس بيش اصبر الروح من روحى تشتاك
و حق الى تعبدة الناس و حده
حبك سلب منى الروح و حده
هذنى ثنين و انت اختار و حده
لو ترحل لو تضل محبوب اليه
احس بغيبتك غربه و ضيقه ما لها اخر
احس انى بلا صحبه و كلبى يكسر الخاطر
دوخت روحى و ياك صارت عجيبه
شو بس الك اشتاك شن هالمصيبه
اشلع و اودى العين و يه الهوي الهاب
مقصوده بس تروح و تشوف الاحباب
انت عمرى انت روحى يا اعز الناس اليه
انت بلسم جميع جروحى و عمرى يرخصلك هدية
الكلب لو ينساك للسوك اجيبه
واكتب علية للبيع خاين حبيبه
خلينى يمك جرح و لجمنى يمتي تريد
راضى و اكلك بعد بس لا تروح بعيد
غالى و تضل بالروح دوم انت غالي
تشرق شمس و تغيب و انت علي بالي
ينقاس بيك الذهب مو بالذهب تنقاس
يلبيك طبع الوفي الماينوجد بالناس
بالكلب ثلث اسهام حيل اوجعني
بيهن سهم فركاك هو الكتلني
نبتة و غصن مكسور و بشحه الماي
هذا حالى يصير من تكطع و ياي
عاشرت جميع الناس بغلاتك
هذا الحنان البيك احلى صفاتك
قلبى جزيره حب و نهرك يمر بيها
انت الندي و النور انت الهوي فيها
تسال عليك الروح يل تسوي كلشي
تسوي العدل و المات و البعدة يمشي
لو قسة دهرك عليك و شفت ناسك ما تجيك
فتح عيونك حبيبى تلكة روحى بين اديك
يا اغلي من العمر يا ساكن جفوني
لو صار حبك حلم ارفض يصحوني
خنجر يحز بالروح صدكنى فركاك
لو انسي حتي الروح ما اكدر انساك
- يا اغلى من العمر يا ساكن جفونــي لو صار حبك حلم ارفض يصحونـي
