كيفية عمل الكباب العراقى المشوى الشهير
صورة-1
المقادير:
1- كيلو لحم عجل صافى مع 200-300 غرام ليه غنم , تفرم فرم ناعم جدا.
2- بصله بيضاء متوسطه الحجم و احدة.
3- ملح
4- بقصم ناخذة من الافران , و بلاد الجوار يسموة قرشله ثلاث معالق طعام.
كيفية العمل:
…………………………
ناخذ البصله و نبرشة برش ناعم بصحن ..
بالتاكيد البصله راح اذب الماى ما لتة و هنا يكمن السر, لازم البصل المبروش يتنشف من الماي
مالتة لانة ذلك الماى هو اسباب اساسى من سبب فشل الكباب و يوقع من الشيش.
يضاف البصل المبروش المتنشف من الماي((شلون يتنشف: اخذوا بيدكم و عصروا)) الى
اللحم المفروم و تضاف القرشله الية و ملح حسب الرغبه و هنا يبدى العجن , يعنى شكد
مابيكم لازم تعجنون باللحم .
و را متخلصون العجن تحطوا بالثلاجة مدة ساعه علي الاقل.
هسة نجى علي الشياش,,,,,,,اهم شى الشياش لازم تكون نضيفه و مغسوله زين و ناشفه.
نطلع اللحم من الثلاجة و نبدى انشيش ,,,,,
اروع كيفية للتشيش هو تاخذ كميه من اللحم علي قدر الشيش و سوية طوبة بيدك ثم طوبه اللحم ادخلة بالشيش و تبدى تفرد بية .
نار الشوى لازم تكون قويه مو هادئه , و من تشوى الكباب بالبدايه اول دقيقتين لازم اضل تقلب بالشيش حتي اللحم يستوى بصوره متساويه ,
اذا استوت جهة كلش و الجة الثانيه بعدة راح يوقع اللحم و تفشل الكيفية .
ولاتنسون ترشون السماك فوق الكباب
ولاتنسون الريحان العراقى يخبل شلون ريحه عليه
ولاتنسون الطماطه الشوي
ولاتنسون الجاى علي الفحم
ولاتنسون البصل المشوى اويلى علية تدرون شلون تشون البصل , من اشيشون البصل خلو
بين بصله و بصله قطعه صغيره من الليه ليش حتي تستوى البصله زين و صير لينة و تخبل.