ست الحسن والجمال

 

صورة-1

 



كان فية فتاة اسمها ست الحسن و الجمال. امها ما تت و سابت لها بقره صفره كانت تحبها و تخاف عليها. و في يوم جة ابوها اجوز و احده عندها فتاة اسمها ام صريم و واد اسمة الاقرع.


و كانت ام صريم دي و حشه اوي و امها عايزه تجوزها. فكانت تاكل ست الحسن العيش الناشف المكسر و تاكل عيالها الطبيخ و العيش الحلو النضيف. و ست الحسن تعيط و تقول للبقرة:


يا بقره يا بقرتى

يا تربيه ايدى

وايد نينتى

يرضيكي مرات ابويا

تاكل عيالها الحلو

وانا الوحش.

تروح البقره و اكلة الطعام الوحش و متكرعه فطيره رائعة و سخنه تاكلها ست الحسن. فكانت ست الحسن رائعة و وشها احمر و زي القمر. و هي عيالها سود و وحشين. قام اية مرات ابوها قالت لازم اعرف ست الحسن رائعة لية و عيالي و حشين. راحت سلطت ام صريم و قالت لها: روحي مع ست الحسن الغيط مره و شوفيها بتاكل اية و هاتي منة حتة. راحت ام صريم الغيط مع ست الحسن و شافتها و هي بتاكل الفطيرة، راحت مدياها حته و قالت لها: اوعي تقولي لامك.

قالت لها: حاضر. و روحوا المنزل، جت امها قالت لها: اية يا بت بتاكل ايه؟ قالت لها: هو العيش الناشف، هتاكل اية يعنى. امها مصدقتش. و راحت قالت للاقرع، انت هاتروح الصبح الغيط مع ست الحسن و تشوفها بتاكل اية و تجيب منة حتة. قال لها: طيب. طلع الصبح و راح الاقرع مع ست الحسن الغيط و شافها و هي بتقول للبقرة:

يابقره يا بقرتى

يا تربيه ايدى

وايد نينتى.

يرضيكي مرات ابويا

تاكل عيالها الحلو و انا

الوحش.؟

تروح البقره و اكله العيش الناشف و تتكرع فطيره سخنه تاكلها ست الحسن. و راح الاقرع قال لها: الله! بصي يا ست الحسن شوفي العصافير اللي طايره هنالك دى. و راح خاطف لقمه و حاططها تحت الطاقية. و لما روح حكي لامة جميع حاجة. امة قالت, بس لازم ادبح البقره دى. راحت عملت رقاق و فرشتة علي السرير و نامت عليه. و عملت نفسها عيانة. جة جوزها قالت له انا عيانه و هاموت و لازم تشوف لي حكيم.

وتتقلب كدة الرقاق يطاطا, تتقلب كدة الرقاق يطاطا، و تقول اة يا ضلوعى، اة يا جسمي اللي بيكسر. و راحت سلطت و احد قريبها يعمل طبيب و يقول لازم ندبح لها بقره صفرة. جم يدبحو البقره مرضيتش تندبح. لمو سكاكين الحته كلها و جزارين الحته ان البقره تندبح, ابدا، و البقره تعيط، و ست الحسن تعيط. قاموا قالوا لست الحسن قولي للبقره تندبح. قالت لها:

يابقره يا بقرتى

يا تربيه ايدى

وايد نينتى.

اتدبحي و اتسلخي و اتاكلى

وتكوني في بقي و بق ام صريم سكر

وف بق ابويا و مرات ابويا و الاقرع مر علقم.

اتدبحت و اتسلخت. ام صريم و ست الحسن ياكلو يقولوا: الله زي العسل. و ابوها و مرات ابوها و الاقرع يكلو يقولوا: مر علقم. ما قدروش ياكلوا. دارت ست الحسن لمت العضم بعد ما كلوا، و حطتة تحت الزير، طلع قط، جميع ما تمشي ست الحسن، مطرح ما تروح يمشي و راها.

فمرات ابوها فكرت تتخلص من ست الحسن, فجابت لها قله و قالت لها: روحي امليها من البحر. فخدت القله و مشيت، قابلها الفل، قالت: اصباح الخير يا ابيض يا فل. قال لها: اصباح النور يا ست الحسن، رايحه فين؟

قالت له: رايحه املا القله من البحر.

قال لها: و تسقينى.

قالت له: اسقيك اوى.

قال لها: روحي يجعل بياضي في بدنيكي و لا يجعلهش في شعريكى.

فاتت علي الورد الاحمر.

قالت له: اصباح الخير يا و رد يا احمر يا جميل.

قالت له: اصباح الخير يا ست الحسن, رايحه فين؟

قالت له: رايحه املا القله من البحر.

قال لها: و تسقينى.

قالت له: اسقيك اوى.

قال لها: روحي يجعل حماري في خديكي و لا يجعلهش في عنيكى. خدودها احمرت و بقت زي الورد.

ومشيت..

لقت الغراب: : قالت له: اصباح الخير يا غراب يا اسمر يا حلو.

قال لها: صباح النور يا ست الحسن, رايحه فين؟

قالت له: رايحه املا القله من البحر.

قال لها: و تسقينى.

قالت له: اسقيك اوى.

قال لها: روحي يجعل سوادي فعنيكي و لا يجعلهش فبدنيكى. عنيها بقت سودة.

ومشيت. قابلتها النخله قالت لها: اصباح الخير يا نخله يا طويلة.

قالت لها: اصباح النور يا ست الحسن, رايحه فين؟

قالت له: رايحه املا القله من البحر.

قالت لها: و تسقينى.

قالت لها: اسقيكي اوى.

قالت لها: روحي يجعل طولي فشعريكي و لا يجعلهش فادميكى. شعرها بقي طويل. رجعت ملت القله و فاتت عليهم كلهم و سقتهم. و رجعت ملتها تاني و روحت. مرات ابوها شافتها راجعه رائعة و حلوة. قالت لها: اية الجمال دا كله؟

قالت لها: رحت البحر مليت القلة.

مرات ابوها قالت: لازم ابعت ام صريم تملا القله زيك من البحر.

ام صريم خدت القله و مشيت.

قابلها الفل قال لها يا باى! صبحىب.

قالت له: ما بقاش الا انت اصبح عليك يا ابيض يا دبلان.

قال لها: روحي يجعل بياضي فشعريكي و لا يجعلهش فبدنيكى. مشيت.

لقت الورد: قال لها يا باى! صبحى.

قالت له: ما بقاش الا انت اصبح عليك.. يا احمر.

قال لها: روحي يجعل حماري فعنيكي و لا يجعلهش فخديكى. مشيت.

لقت الغراب: قال لها: يا باي صبحى.

قال له: ما بقاش الا انت اصبح عليك يا اسود يا غراب الشوم.

قال لها: روحي يجعل سوادي فبدنيكي و لا يجعلهش فشعريكى. مشيت

ملت القله و روحت علي المنزل. امها شافتها قال لها: يا لهوي عملتي كدا ليه؟ فكرت فحيله تودي بها ست الحسن عند امنا الغولة.

قالت لها: روحي هاتي المنخل من امنا الغولة. مشيت. قابلها بتاع السمسم.

قالت له: صباح الخير يا بتاع السمسم. رزقك كتير النهاردا و سمسمك حلو.

قال لها: صباح النور يا ست الحسن. تاخدي شويه سمسم؟

قالت له: هات.

خدت شويه سمسم و حطتهم فجيبها، و خبطت علي الباب.

قالت الغولة: مين؟ مين اللي علي الباب؟

قالت لها: انا يا امنا الغولة. ست الحسن و الجمال، عايزه المنخل.

قالت لها: طيب. اطلعي فوق، تلقي اوضة شقلبيها، و تلقي و اد موتيه، و انزلي حمينى، و فلينى، و سرحيلى، و ثم اديكي المنخل. ست الحسن و ضبت الاوضه، و حمت الولد و لبسته، و نزلت حمت الغوله و فلتها و سرحت لها، و كانت جميع ما تلقي قمله تاكل شويه سمسم و تقول: الله قملك حلو يا امنا الغولة، و تموت القملة. راحت الغوله خدتها و نزلتها البير. و قالت: يا بير.. يا بير لبسها ذهب كتير، يا بير.. يا بير لبسها حرير كتير.

وادتها المنخل، و روحت. مرات ابوها شافتها جاية لابسه ذهب و حرير.

قالت: بس. انا اخلي ام صريم ترجع المنخل. راحت ام صريم ترجع المنخل. قابلت بتاع السمسم قالت له: يوة ما ل سمسمك دبلان و معفن النهارده. مرضيش يديها حبه سمسم. راحت خبطت علي باب الغوله و قالت افتحي يا غوله مش عايزين المنخل. الغوله قالت لها: هاتى. اطلعي انكشي الاوضه و موتي الواد و تعالي حميني و فليني و سرحيلى. راحت ام صريم طالعه موتت الواد و نكشت الاوضه، و بقت جميع ما تلقاي قمله فراس الغوله تقول لها: اف يا غوله قملك و حش، و شعرك و حش. راحت خدتها و نزلتها البير. و قالت: يا بير يا بير لبسها صراصير كتير. يا بير يا بير لبسها فران كتير. طلعت ملاينه فران و صراصير و قرف. رجعت لامها فضلت تصوت.. تصوت. كان ابن السلطان شاف ست الحسن و قال لازم اتجوزها. راح خطبها من ابوها. يوم الفرح، راحت مرات ابوها بعتتها مكنه الطحين و قالت لها: روحي اطحن الدقيق ده. و راحت ملبسه ام صريم لبس الفرح و ركبتها علي الجمل بدل ست الحسن. مشي القط و را الزفه ينونو: نونو

ست الحسن و الجمال

في الطاحونه بتطحنى

وام صريم ادلدلى

ع الجمال اتمخطرى.

نونو.

سمعة ابن السلطان قال: بس و قف الزفة! و قفز.

ونزل ام صريم و دور علي ست الحسن و ركبها مكانها.

ومشي القط يغني و را الزفة: نونو

ست الحسن و الجمال

ع الجمال اتمخطرى

وام صريم ادلدلى

في الطاحونه تطحنى.

ننو.. نونو.

واتجوز ابن السلطان ست الحسن و الجمال و عاشو فتبات و نبات و خلفوا صبيان و بنات. و توتة توتة خلصت الحدوتة.

  • ست الحسن والجمال
  • صباح الحسن والجمال


ست الحسن والجمال