3:48 مساءً الجمعة 21 سبتمبر، 2018

مكياج سواريه


صورة مكياج سواريه
قبل ما نعرف كيف نعمل المكياج السواريه في بنات قالت لي عايزه تعرف انواع الفرش واستعمالاتها..
استخدامات الفرشاه الكبيره
الفرشاه الكبيرة ليها 3 استخدامات وهي:
1 مع البودر،

فممكن نمسح بيها
2 بعد ما نحط البودر بنشيل بيها الحاجات الزياده
3 كمان بنسخدمها في توزيع الروجاجو

استخدامات الفرش الاخرى:
• فيه فرشاه تانيه بنستخدمها للتسريح بيبقى وشها عامل زي الشعر الصناعي وساعات الطبيعي.

• وفيه فرشاه كمان للرموش ودى بتساعد ان احنا نطلع الرموش لفوق وفي نفس الوقت بتشيل الزياده من الماسكرا.

• وفرشاه الحواجب اللي بنملا بيها الحواجب،

بتبقى ناشفه شويه وشعرها مائل شويه علشان تكون سهلة الاستخدام.

• اما فرش الايشادو ففيها الصغيرة والكبيرة والصغيرة تستخدم لتحت العين.

وعلى فكرة فيه ناس ما بتستخدمش فرشاه خالص وتستعمل صوابعها زي ما عملنا من شويه.

والناس اللي عندهم شويه خبره هيقدروا يحددو اللون ويعملوا ميكس كويس باستخدام ايديهم.

دلوقت هنبدا نعمل مكياج سواريه..
لو انت رايحه فرح او مناسبه بسيطة ممكن تزودي شويه على المكياج اللي عملناه للصبح،

لان المكياج السواريه بيكون اقوى من المكياج العادي بتاع “الصبح”،

فبتلاقي ان خاماته اكثر والفرش بتزيد شويه وشكل ورسومات العين والوانها هي كمان بتبقى اكتر..

يعني من الاخر كده بيبقى حاجة جامدة جدا…
تعالوا نشوف الخطوات
• دلوقت هنستعمل الفرش بتاعتنا علشان نزود مكياج الصبح وبالتالي الاساس لازم يبقى اكتر شويه.

• بنتقل الفونديشن شويه اللي تحت العين علشان يعمل طبقه فاتحه شويه تحت العين.

وعشان تعملية كويس لازم تفضلي باصه فوق شويه لانك لو بصيت لتحت هيبقى جزء تحت العين مش معمول فبتضطري تعملي فونديشن تاني وبودر تاني.

• الفونديشن والبودر نعمله بالبداره زي ما اتفقنا وممكن بالفرشاه زي ما اتفقنا.

• وبعد ما نزود الاساس والبودره،

بنشيل الزياده بالفرشاه علشان الميك يبقى مافيهوش بودر كتير وكمان ممكن العروسه او اللي رايحه الفرح تعمل حاجة ثانية بعد ما تحط الفونديشن ممكن تحط تلج على وشها.

ولو بتستعمل فونديشن سائل،

ماينفعش خالص احط عليه تلج لانه بيضيع المكياج وكانك حطيت مياه.

لكن الميك اب اللي انا حطاه مخصوص للسينما يعني ضد المياه ومش بيروح نهائي سواء مع التلج او العرق.

وده اللي كل الفنانين بيستعملوه.

وبيكون الفونديشن بتاعه تقيل شويه والبودر تقيله شويه فبيثبت معاها تمام.

• بنزود كمان الكحل اللي جوه العين بالقلم الاسود علشان يديني رسمه مختلفة عن الصبح ونحط تحت العين ايشادو.

• وممكن نمشي بالقلم الاسود فوق الرموش على طول بخط رفيع.

وجوه الرموش كمان ممكن نزود الاسود عشان يدينا نظره عميقه.

• بنحط ايشادو فاتح تحت العين عشان يديها شويه نور جوا العين.

بعد كده نحط عليه جليتر لانه موضه السنه دي.

بس بنحطه في مناطق معينه..

تحت العين بس..

وبعدين نحط الماسكرا وتبقى تقريبا خلصت العين.

الماسكره والرموش

اولا:

الرموش
الرموش بتشغل بال ناس كتير جدا وخاصة العروسه..

يعني مثلا مفيش عروسه الا وتقولي انتي مش هتحطيلي رموش

لازم احط رموش للعروسه في الفرح مهما كانت رموشك طويله او خفيفه لانها بتفرق اوي مع العروسه علشان كمان شكل الصور.

لو استعملتي فعلا الرموش بتدي شكل حلو اوي للعين وفي نفس الوقت بتفرق جدا مع الرسمه وبتفرق نفسيا..
• احنا النهارده هنحط الرموش كلها حته واحده.

وهي على فكرة بسيطة مش صعبة ابدا ممكن تحطيها لنفسك وتضبطيها وانتي باصه امامك في المرايا.

ثانيا:

بالنسبة للماسكرا
في بنات بتحط ماسكرا ملونه،

والماسكرا الملونه ممكن تنفع مع حفله او مناسبه عاديه.

لكن اي حاجة رسمية او فرح لازم تحطي سوده او بني.

والبني ده انا بعتبره مع الشقر اللي عينيهم ملونه وشعرهم فاتح وحواجبهم كمان فاتحه فلازم يستعملوا ماسكرا بني وقلم كمان بني بدل الاسود لان الاسود معاهم هيبقى صريح اوي لكن البني ساعات بيبقى شكله لذيذ.
• ممكن نزود من فوق العين شويه بني عشان نعمل ميكس شويه مع الذهبي.

والذهبي اللي حطيته بيدي ضوء وبيدي كمان نور للعين وشكله ظريف.

بعد كده بنحدد الحواجب بالبني ونبقى تقريبا خلصنا مكياج العين.

• وبعد كده نزود الروجاجو،

وهنحس فعلا انها اتغيرت وعينيها ظهرت شويه وفي نفس الوقت شكلها ظريف.

• هنحط الروج زي ما اتفقنا بالفرشاه الخاصة بيه.

• بنحدد شكل الشفايف وانا بنصح باللون الفاتح لان احنا دائما ما نكثر في مكياج العين فاللون الفاتح معاه بيبقى شكله ظريف اوي.

وممكن بقى بالليل نكبر شفايفنا شويه علشان التحديد يبان.

وبعدين بنحط حاجة بتلمع شويه على الروج علشان يبان ويبقى بسيط اوي وفي نفس الوقت ماخدش معانا وقت وغير شويه في الش

297 views

مكياج سواريه