ليلة حب

صورة ليلة حب

ليلة حب

ياللى عمرك ما خلفت ميعاد في عمرك
الليلة دى غبت لية حيرنى امرك
اخرك اية عنى
مستحيل الدنيا عنى تاخرك
بالامل مستني
سهران تجينى يا حياتي و اسهرك
تعال العمر كله نخلصة حب الليلة دي
تعال شوق العمر كله نعيشة م القلب الليلة دي
ما تخليش اشواقنا لبكرا
ما تخليش فرحتنا لبكرا
كان اول ليلة للحب الليلة دي

يا حبيبي و نبض قلبي و نور حياتي
يا ابتسام ليلى هنا و اتلهف لك
هديت الدنيا هنا و اتلهفت لك
كلها معايا هنا اتلفتت لك
الربيع الورد النبع اللى جاري
كلهم و يايا اهم مستنين
كلهم يا حياتي لك متشوقين
لحبايبك و لقلبي انا
لليالي الشوق و نداها لنا
ما تعذبناش
ما تشوقناش
و تعال نعيش فرحتنا هنا
تعال حب العمر كله
تعال شوق العمر كله نعيشة م القلب الليلة دي
ما تخليش اشواقنا لبكرا
ما تخليش فرحتنا لبكرا
كان اول ليلة للحب الليلة دي

لوكل حب في كل قلب اتجمعوا اني حبى اكتر
و يايا و يايا و انت بعيد و يايا
خيال و شوق بيزيد و يايا
كل شيء حوالى بيفكرنى بيك
كل نور في عيني فيه ضحكه عنيك
ادي الشموع اللى ابتسامتك نورت فوقها الدموع
ادي خطوتك ادي همستك ادى ضحكتك
تعال للاحلام للحب للالهام
و ربما ما يحلالنا نسهر و غيرنا ينام
تعال شوق العمر كله نخلصة حب الليلة دي
تعال حب العمر كله نخلصة حب الليلة دي
ما تخليش اشواقنا لبكرا
ما تخليش فرحتنا لبكرا
كان اول ليلة للحب الليلة دي
تعال العمر كله نخلصة حب الليلة دي

ياللى فايت لي الليالي الروعه و الذكري الجميلة
ياللي و يايا بحنانك تحيى امالي العليلة
انت و يايا في خيالى الليلة دى و كل ليلة
في المكان دة يا حبيبي
ياما جينا و ياما ضمتنا الليالي
في المكان نفس المكان ده
ياما طرنا في العلالي الليلة دي
يا حياة روحى هنا في نفس المكان
جيت اني و شوقي و قلبي و الحنان
جينا نستناك جينا نترجاك
جينا نفرش بالامل سكة خطاك
و مهما غبت على حتجيني بعد شويه
اخد ايديك في ايدية و احضن عينك بعينيه
و نعيشها ليلة عمر بكل عمر الدنيا

كلمات: احمد شفيق كامل
الحان: محمد عبد الوهاب
تاريخ: 1972