4:06 صباحًا الأحد 21 أبريل، 2019






لوازم الحج

بالصور لوازم الحج 20160820 4907

اولا: مستلزمات الاطفال في الحج:
1)حبل رباط علشان تربطيهم و انت بتصلى لانهم بيجروا منك
2 بامبرز حتى للطفل الكبير خدية احتياطى
3 مناديل مبلله غير معطره)
4 بسكويت ميلوبا من الصيدلية من عمر اربع اشهر فيما فوق او بسكويت فارليز .

 

.فية منه بطعم الموز و البرتقال النوعين دول بيدوبوا في حليب او المية و تقدرى تاكليهم لطفلك بسهوله
5 سيريلاك
6 علب عصاير
7 اكل جاهز المخصص للاطفال هاينز او بيبي من الصيدلية
8 و طبعا ببرونتين او ثلاثه
9 اطباق صغيرة بلاستيك لتجهيز السيريلاك و بلاش تجربى اي اكل جديد لطفلك وقت الحج اكلية الاكل اللى هو متعود عليه

10 مفرش بلاستيك تفرشية تحتية اثناء تغير الحفاض في حالة لو انتي في مكان بعيد عن الحمام طبعا غيارات و ملابس لطفلك حسب احتياجه
12 البفتات
13 كوفرتة صغيرة
14 فوطه صغيره
15 مناديل كلينكس
16 دواء خافض للحراره و مضاد حيوى
17)البخاخ اللي بيبخ مياه
18)هاتي و رقة اكتبي اسم الاولاد عليها و غلفيها و علقيهالهم في سلسلة و فيها رقم تليفونك انتي و باباه
هاتي الاير باج لان ليلة عرفة بتباتي في خيم و بيبقوا فرشين فرش خفيف على الارض و بيبقي مندي مياة فبيتعب الاولاد و دي بتتباع عند ساكو او هايبر بندة منها بيناموا عليها و منها بيتغطوا بيه
19)وخديلهم كرواسون للاكل اللي هو سفن دايز
20)وانتي بتصلى لو الطفل صغير شيلية و صلى بية و انتي بتطوفي خلي الطفل على مستوي عالي علشان يعرف يتنفس و مش يتعدي من حد
21 لعبتين او ثلاثة صغيرين و يكونوا جداد عليه و كل يوم طلعيلة لعبة هينشغل بيها شوية عنك بس تطلعيهم واحدة واحدة مش كلهم مرة واحدة او قصص و لو هو كبير شوية خديلة دفتر تلوين و الوان
22 لبن علب صغيرة طويله الاجل اللي بشليموة تفضيها في البزازة و اللي يفيض يترمي لان هناك الرطوبة عالية و مفيش تلاجات
23)وبطانية عشان المكيف بيكون عالي عليهم
24 كمامات علشان لا قدر الله لو تعبتي انتي او جوزك و انتوا مضطرين تشيلوا العيال تلبسوها علشان مش يتعدوا منك
25)الكمادات الجاهزة اللي بتتباع في الصيدليات و بنادول
26 هدوم شتوي هناك الدنيا بتبقي ساقعه و بالليل الخيمه بتبقي ساقعه و الناس بتشغل التكيفات كمان
27 مفيش بقي جينزات

عشان العيال بتتعب و بتتسلخ من الهدوم دي حتى لو جينز لازم يكون متبطن بقطن يعني حاولي تختاري اكتر هدوم مريحه بالنسبة لهم
28 عربية البيبي بتاعة الشارع
29 كابات او طواقى للراس
30)سودو كريم
31 مسحوق غسيل

ثانيا
مستلزمات الحج
جوانتي و نقاب يبقوا معاكي عشان بعد ما ترموا الجمرات بتتحللي و بتلبسيهم عادى
المقص عشان تقصى شعرك يوم العيد بعد رمى الجمرات
فازلين و تدهني عند رجلك من فوق كتير عشان ما تحصلش تسلخات
اللبس عبايتين سود و عبايتين للجلوس و النوم و اسدال الصلاة و طبعا كترى من الهدوم الداخلية عشان الحر كل شوية هتاخدى شاور و هتغيرىشورت اوبنطلون علشان التسلخات و اللبس يكون خفيف عشان الدنيا حر موت الصبح و لبس تقيل عشان بليل برد في منى
الحذاء يكون شبشب محترم اسود او سابو ملهوش اي كعب بس الشبشب اريح يكون مقفول شويه من قدام عشان لو حد داس على رجلينا و دة و ارد جدا و شبشب حمام
كرسي تقعدي عليه في عرفات و خصوصا للي بيرضعو
الطرح تكون قطن عشان تثبت عشان الحرير بيتزحلق في الحركة و الزحمة و هتقرفك
شراااابااات هاتي اكتر من واحد و يفضل الشرابات اللى متبطنة من جوة و من تحت بتبقي طبقة بلاستيك …(هتلاقيها عند الهرم هتقوليلى اشمعنى الشرابات دي هقولك في الطواف و السعى هتريحك من احتكاك القدم بالارض .

 

.وكمان متبطنة يعني هتحميكى من خبط الكراسي المتحركة في رجلك .

 

.كل شوية تلاقى كرسى خبطك و عور رجلك خصوصا في الطواف
الفوطه
الصابون يفضل يكون معقم وغير معطر
ديتول بخاخ معقم للايدي
كمامات
الادويه سودو كريم للتسلخات – مسحة طبية و لزق طبي للجروح فيتامين سي فواراو مضغ)-بنادول ادويه البرد انتينال و فلاجيل للمعدة مطهر مضاد حيوي مضاد حيوي للجروج ادويه كحة قطره للعين)
شنطه ايدك الصغيرة لازم تبقي كروس او اكس اللى بتتعلق بالورب في الكتف
مناديل
ملايه و كيس مخدة
و فوطه و جة
سجاده صلاة
شامبو و كريم و فرشه الاسنان و المعجون و كريم وجه و ما تلبسي ذهب احسن عشان تبقي براحتك
نوته للكتابة و قلم او اتنين لان فيه دروس بناخدها و ستات داعيات بيجو يوعظونا ممكن تكتبي حاجات كتيره و راهم
مصحف صغير للقراءه و هما بيوزعو كتب كتير للادعية هناك
شاحن لتليفونك و اشحني الخط قبل ما تروحى
ملحوظه
انا عايزه الفت نظركم لحاجة بالنسبة للعصير طبعا هتلاحظوا ان الحملات بتوزع عصاير برتقال طبعا عشان فيتامين سي بس للاسف عصير البرتقال بيدر البول فحاولي تقللي منه عشان دخول الحمام لان الحمام غير متاح في بعض الاماكن الا بصعوبه و خاصة في المزدلفه عمري ما هنسي طابور الحمام هناك فحاولي تجيبي مثلا علب صغيرة لحليب طويل الاجل او عصائر انواع اخرى غير البرتقال

  • لوازم الحج
233 views

لوازم الحج