5:32 مساءً الثلاثاء 20 نوفمبر، 2018

رواية ابوس راسك يازمن


 

 

صورة رواية ابوس راسك يازمن

 

قولي احبك
كي تزيد وسامتي
فبغير حبك لا اكون جميلاقولي احبك كي تصير اصابعي
ذهبا وتصبح جبهتي قنديلا
الان قوليها ولا تترددي بعض الهوى
لا يقبل التاجيل

ساغير التقويم لو احببتني
امحو فصولا او اضيف فصولا
وسينتهي العصر القديم على يدي
واقيم عاصمه النساء بديلا

ملك انا لو تصبحين حبيبتي
اغزو الشموس مراكبا وخيولا
لا تخجلي مني فهذي فرصتي
لاكون بين العاشقين رسولا

ابو عبد العزيز بعصبيه



اقولك نزلني لا اقطع هالعقال على ظهرك
ليان



فيصل بلا وقاحه ونزل جدي
فيصل وهو يجلس جده على الكنب



والله وعندك محاميه مايستهان فيها
ابو عبد العزيز



احمد ربك لو هالمحاميه مهي فيه والا لسبتك بهالعقال
فيصل بعد ماضبط شماغ جده



تمون على رقبتي يالغالي .

.

والحين انا بطلع البس قبل لا يوصلون
خلص كلامه ومسك يد ليان واخذها معاه فوق
ليان بعصبيه



ممكن تترك يدي والا بزر تبيني البسك
فيصل



لا ابشرك اعرف البس بروحي بس ممكن اعرف ليش قلتي علي وقح
ليان



اسال نفسك اجل تصرفك مع جدي وش تسميه
فيصل



وش التصرف الوقح اللي سويته مع جدي غير اني طلعته من الغرفه وجلسته بالصاله
ليان



كان تقدر تاخذه بالكرسي المتحرك حقه وماله داعي تشيله والا بس حاب ترفع ضغطه

وتستعرض قوتك
فيصل يناظرها بحتقار



الله يعينك على تفكيرك اولا مو محتاج استعرض قوتي وخصوصا مع جدي

وثانيا انا جلسته في الصاله ابيهم لما يجون يشوفونه بكامل قوته مثل ماكان على طول ماابيهم ينظرون له

بشفقه او شماته واذا تصرفي رفع ضغط جدي عندي اهون من انهم يشوفون ضعفه بعد قوته
خلص كلامه ودخل الجناح .

.

وقفت ليان مكانها تفكر بالكلام اللي قاله فيصل فعلا معاه حق لما قال

الله يعيني على تفكير كل همه كان بجدي وبنظرتهم له وانا اللي على بالي بس انه يستهبل ويستعرض

قوته

بعد نص ساعة في الصاله

ابو عبد العزيز



وين راكان ياخالد ماشوفه جاء
ابو راكان



وش تبي فيه خله باللي مايحفظه
ابوعبد العزيز



الظاهر اني سالت خالد ماسالتك
خالد



عنده شغل بس يخلصه بيجي ان شاء الله
ابو راكان



لا اشوف رقعه وجهه ان جاء ذبحته
ابو عبد العزيز



اذا صار هالبيت بيتك تشرط من يدخله ومن مايدخله
ابو تركي



وش فيك يبه من جيت انا وابراهيم وانت شاب علينا
ابو عبد العزيز



خالد اتصل على راكان قوله اني انتظره بعد المغرب لازم يجي
خالد



ابشر ان شاء الله بتصل عليه واقوله
ابو تركي بزعل



الحين اكلمك وتسفهني وتكلم خالد وبعدين وش هالاهتمام براكان حتى تركي ماجاء

ليه ماسالت عنه
ابو عبد العزيز



مايحتاج اسال عن تركي عندي النسخه الثانية منه
فيصل وهو يحاول يمسك ضحكته لانه عارف وش يقصد جده



جدي طلال جاء ادخله هنا والا نطلع

له في المجلس
ابو عبد العزيز



لا روحو له انا بسلم على البنات قول ل نوره تناديهم
فيصل



ابشر..عمي ابو تركي وابو راكان خلونا نروح للمجلس
راحو كلهم على المجلس وفيصل نادى ليان وقالها تنادي البنات جده يبي يسلم عليهم

في المجلس بعد ماسلمو على طلال

ابو تركي



وش عندك في الرياض خابرك مستقر بلندن
طلال



اكتفيت من الغربه وقلت اجي امسك شركتنا اللي هنا واريح فيصل كافي عليه شركته هو

وجده
ابو تركي



الحين ابوك ليه سجلها شراكه بينك وبين فيصل
طلال



الشركة لجدي الله يرحمه ومن بعده استلمها ابوي وفيصل اخذ نصيب امه منها
ابو تركي



ايه بس على كلام ابوي ان نص شركته لفيصل لان ابوك الله يرحمه عطاه ورث اخته

يستثمره لفيصل
طلال



ابو عطا عمي ابو عبد العزيز جزء من نصيب ام فيصل من ورث ابوها ونصيبها من الشركه

تركه مثل ماهو وقبل لايموت سجله باسم فيصل
ابو راكان



وانت ماعارضت ان فيصل يشاركك في حلال ابوك
طلال



وليه اعارض فيصل مااخذ الا نصيبه
ابو تركي



والله اللي اشوفه محد استفاد غيره اخذ نص حلال ابونا ونص حلال ابوك
طلال



فيصل مااخذ غير ورثه من امه وابوه ولو واحد غيره كان مارضى يشتغل بالشركة ويتحمل

التعب كله بدون مايكون له جزء من الارباح مقابل شغله
ابو تركي



كلنا نشتغل ونتعب فيها بدون مانطالب بشي
طلال



اللي اعرفه ان لك شركتك الخاصة وهي اللي تشتغل فيها ومع كذا تاخذ ارباح من شركه

عمى ابو عبد العزيز
ابو راكان



والله مدري وش مسويلكم كلن يدافع عنه
طلال



ماندافع عنه نقول الحق
ابو راكان



وين ناوي تسكن؟؟
طلال



بيت جدي مازال موجود ومن شهرين كلفت شركة بتجديدة وترميمه وان شاء الله كلها كم يوم

ويكون جاهز
ابو تركي



ومنت ناوي تزوج

؟
طلال



لا ناوي وعن قريب بس ان شاء الله الاقي القبول
ابو تركي



ومن المهبول اللي بيرفضك مشاء الله ماعليك قاصر
طلال



اجل اتقدم ياعم ابو راكان وانا متطمن
ابو راكان بستغراب



وليه من ناوي تخطب
طلال



والله المفروض اقول هالكلام وانا في بيتك بس دام فتحنا هالسالفه وهالبيت بيت ولدك فانا

يشرفني اطلب القرب منك
ابو تركي بقهر من اخوه اللي اغنى ثنين عرفهم وكلهم اتزوجو بناته



بس منال ان ابيها لولدي تركي

او خالد واظن عيال عمها احق
طلال



الله يتمم لهم على خير بس انا طالب لين .

.

هاا وش قلت ياعم
ابو راكان لو كان فيه عيد ثالث كان بالنسبة له بيكون اليوم وانقهر من اخوه اللي كان بيخرب عليه

:

والله مااقول يولدي غير اللي قاله اخوي من المهبول اللي يرفضك مشاء الله ماعليك قاصر
طلال



الله يبارك فيك ياعم بس متى بعرف بالرد
ابو راكان



ردي وصلك
طلال



اقصد متى بتشاور الاهل والبنت وترد لي بالموافقه
ابو راكان



الكلمه هي كلمتي ودامني موافق خلاص حياك الله عندي في البيت ونتفق علي كل شي
طلال ببتسامه خبث لان هذا اللي كان يتمناه يعرف لو شاورها بترفض



اجل اذا ماعندك بكره شي

بتشرف بزيارتك
ابو راكان



حياك الله ياولدي البيت بيتك
كان ابو تركي يسمع وهو ساكت وقهر الدنيا كله فيه ليان وتزوجت فيصل ولين تزوجت طلال وبناته

طايحات بكبده محد خطبهن ولو انخطبن ماراح احد يتقدم لهن يكون افضل من فيصل وطلال

~~~~~~~~~~~~~~~~~

في الصاله

منال بهمس



شوفي شيبه النار يسولف ويضحك معهم وانا وانتي ماينظر حتى فوجيهنا
لمى بقهر



وربي شي يقهر بس الشرهه مو عليه الشرهه علينا اللي جايات نسلم عليه
منال بنفس الهمس



لا ياماما ولا همني وماجيت غير علشان اسوي اللي براسي
لمي



ماتقولين لي اشلون نسوي اللي قلتيه وهالعله لين غير عينها علينا احسها شاكه فينا
منال



ملاحظتها الله ياخذها وصدقيني هذا انسب وقت دامهم لاهين مع جدك العله
قاطعهم صوت ام ماجد



بنات يله اهلكم بيمشون
منال بصدمه



وين يمشون لسه بدري
ام ماجد



والله مدري عنهم اللي اعرفه انهم ينتظرونكم
منال برجاء



عمتي طلبتك قولي لهم بدري او بجلس وبعدين ارجع انا ولمى مع السواق
ام ماجد



على راحتك ماتبين تروحين قولي لهم
قامو البنات يلبسون عبياتهم الا منال ولمى راحو بيقولون انهم بيجلسون
منال



يمه وربي طفش خلينا شوي وبعدين نرجع مع السواق
ام تركي



بكيفك يله يارنيم والا بتجلسين انتي بعد
رنيم



لا انا بروح
منال



خالتي واللي يعافيك خلي لمى تجلس معي وبعدين انا اوصلها
ام راكان



اللي يريحك يمي بس لاتاخرون وانتي يالين؟؟
لين كان عندها احساس ان جلستهم مو لله وانهم ناوين يسوون شي



لا بجلس وارجع معهم
طلعو كلهم ماعدا منال ولمى يناظرون لين بحقد وخوف انها تكون شاكه فيهم
ليان



تعالو نجلس فوق اكيد فيصل بيدخل دام طلال راح
لين



يكون افضل
ام راكان وهي راجعه لهم



لين يله البسي عبايتك ابوك رفض تجلسين
لين



وليه يرفض اني اجلس ويسمح ل لمى
ام راكان



يقول يبيك بموضوع بسرعه قبل لايعصب
طلعت لين مع امها بقهر وهي خايفه على ليان منهم وتفكر بشنو الموضوع اللي ابوها يبغاها علشانه
منال بخبث



ليان روحي شوفي جدي قبل لانطلع فوق ليكون محتاج شي
ليان



معك حق ارتاحو دقايق وجايه او اطلعو فوق البيت بيتكم
منال بعد ماراحت ليان



يله بسرعه قبل لاتجي
لمى



والله مدري وش بتوصلنا خططك له يله مشينا
راحو للمجلس القريب من المدخل ووقفت منال تراقب مع الشباك علشان تشوف متى بيجي فيصل وتبدا

بخطتها

في سيارة ابو تركي

ام تركي



الحين ممكن تقولي ليه معصب وبس تصارخ
ابو تركي



بعذري اعصب منك انتي وبناتك
ام تركي



وش ذنبنا اذا فيصل وطلال خطبو بناته وش بيدنا نسوي
رنيم



الله يهنيهم ويسعدهم هذا اللي مفروض نقوله
ابو تركي



كلي تراب ولا اسمع صوتك قال الله يهنيهم قال..

الله لايهنيهم
رنيم بقهر



ليه كنت تبينا نستعرض قدامهم علشان يخطبونا والا نترجاهم
ابو تركي بعصبيه



والله ان ماسكتي لا انزلك وتوطاك بالسيارة يالحيوانه
سكتت رنيم وهي تغلي من القهر عمرها ماكانت حسوده وتكره الحسد والله بلاه باخت وام واب

مايرضيهم غير اللي بيدين غيرهم

~~~~~~~~~~~~~

منال لما شافت فيصل جاي بيدخل



يله جاي بسرعه مثل ماوصيتك وخلي صوتك عالي
جلست على الكنب وحطت يديها على وجهها وهي تمثل انها تبكي
لمى



الحين ممكن اعرف ليه تبكين
انتبه فيصل ان فيه احد وكان بيرجع بس وقفه كلام منال
منال وهي تبكي



جدي جدي يالمى ماشفتي شلون يعاملنا .

.مستعده ادفع كل عمري بس يغير

معاملته معي
لمي



مو بس معك مع الكل وبعدين دامه مايحبنا ليه نفرض نفسنا عليه
منال



ماالومه على معاملته كلها من ابوي وابوك
لمى



وليه ماتقولين ان فيصل هو السبب بكره جدي لنا
منال



فيصل ماله اي ذنب قولي طمع ابوي وابوك وحسدهم هو اللي كره جدي فيهم وفينا ولاتلومين

جدي على حبه ل فيصل مافيه احد اهتم في جدي طول مرضه ويحبه كثره
لمى



اشوفك قلبتي علينا علشان فيصل
منال



انا اقول كلمه الحق اللي كلنا ننكرها ابوي وعمي عمرهم ماحبو غير الفلوس وكرهو فيصل لانه

اخذ نصيبه مع ان المفروض يحبونه ويعوضونه عن ابوه
اكتفى فيصل باللي اسمعه وطلع وهو مو مصدق ان عمه سلطان عنده هالجوهره توقع ان كل عياله مثله

واكبر مثال تركي لكن اللي اكتشفه ان عنده بنت تنوزن بالذهب وتقول كلمه الحق لو انها ضد ابوها
اتصل على ام ماجد علشان تشوف له الطريق بيروح لجده ماحب يدخل ويحرجها انه سمع كلامها اللي

قالته
لمى بهمس



اتوقع انه راح والحين ممكن تقولين لي وش استفدتي من هالتمثليه
منال



تتوقعين سمع اللي قلته
لمى



اكيد سمع هذا اذا البيت كله ماسمع كلامك
منال



ياغبيه لازم ابين لفيصل ان انا ضد الكل وغير عن اهلي علشان يعجب فيني وبعدين لكل

حادث حديث
لمى



طيب اسكتي احس احد جاي
ام ماجد وهي تدخل عليهم



وش مجلسكم هنا فيصل بيدخل .

.

(ولما انتبهت لمنال منال اشفيك

ليه وجهك كذا كنتي تبكين

؟
منال بحزن



لا عمتي ماابكي وبعدين عن اذنك ان طالعه وبوصل لمى معي سلميلي على جدي

واعتذري لليان مني
لبست عباتها هي ولمى وطلعو

ليان



عمتي وين راحو البنات؟
ام ماجد



والله مدري عنهم دخلت عليهم في المجلس كانت منال تبكي ولما سالتها وش فيها قالت

مافيني شي سلمي على جدي واعتذري لي من ليان وطلعت هي ولمى
ليان



وليه تبكي ماعرفتي
فيصل



يمكن بعض الناس مااستقبلوهم زين
ام ماجد



بسم الله من متى وانت هنا
فيصل



توى داخل الا وين جدي
ام ماجد



بغرفته وعنده ندى
فيصل



سنايدي والله وعسى الممرض الطخمه على قولتها عنده بعد يعني ماتعرفين بنتك
ام ماجد



يؤؤؤؤؤؤؤ تصدق اني نسيت .

.

بقوم الحق عليها لاتسوي لنا فضيحه
ليان



هههههههههههههههههه مسويه لكم رعب هالبنت
فيصل



فديت هالضحكه
ليان



وش تقصد بكلامك ان بعض الناس مستقبلوها زين
فيصل



ماادري بس اقول يمكن جدي ماستقبلها زين وهي تحسست من الموضوع
ليان



ماادري والله لاني ماكنت عندهم كنت اجهز غرفه خالتي ام طلال
فيصل



لا اوصيك عليها تراها الغاليه اللي ماشفت منها غير كل خير
ليان



لاتوصيني عليها هذي مثل امي .

.

فيصل
فيصل



ياعيونه
ليان



انا اسفه على اللي صار اليوم سامحني على تفكيري الغلط فيك
فيصل كان ناسي ودام انها هي فاكره حب يستغل الموقف



جرحتيني بكلامك وربي ماتوقعت ان

تفكيرك فيني كذا
ليان بندم



ماالومك لما فهمت منك ليه سويت كذا وربي استصغرت نفسي وتفكيري فيصل ارجوك

سامحني
فيصل بخبث



مستعد اسامحك وانسى كل اللي صار ب بوسه منك
ليان بخجل



لااااااااا
فيصل



ترى ماطلبت شي كلها بوسه صغيرة على خدي ماراح تنقص منك شي
ليان



لااااا
فيصل



اجل الله لايسامحك وانتي انسانه تخافين ربك وتعرفيني اني زوجك جنتك ونارك واذا ضميرك

يسمحلك بكيفك
ليان بصدمه



فيصل واللي يرحم والديك لاتقول كذا واطلب اي شي ثاني اسويه
فيصل



اختاري يابوسه ياضمه وبخبث واذا الثنتين كلهم ماعندي مانع انتي كريمه وانا استاهل
ندى تغني بنشاز



اني خيرتكي فختاري مابين الموت على صدري او فوقا دفاتر اشعاري .

.

يختي

بوسيه لايطق فيه عرق والا اقولك خليه ان ابوسه عنك
فيصل بقهر



جت هادمه اللذات حسبي الله عليك من بنت
ليان كانت ميته من الخجل وتتمنى لو تذبح ندى
ندى



شوف لاتدعي علي ترى ماابوسك
فيصل باستهزاء



لا واللي يرحم والديك بوسيني لا اموت .

.

انقلعي اصلا لو بستيني لا اقطع خدي

ورميه للكلاب
ندى



ايه ناس ترفس النعمه وناس تتمناها بروح ادور الممرض الطخمه اواسيه بكم كلمه وبوسه اطرد

عنه شبح الغربه
ليان



هههههههههههههههههههههههههه
فيصل



تصدقين ياندى كل ليلة قبل لا انام افكر بخطة اشلون اذبحك بس من تضحكين هالقمر اتعوذ

من الشيطان وغير رايئي
ندى



يعني موافق ابوسك؟
ليان



نصيحه لا تغير رائيك واذبحها على مااروح اشوف خالتي ام طلال
طلعت ليان فوق وتركتهم
ندى



تصدق زوجتك فيها عرق نذاله هذا وانا صديقتها وحفره اسرارها
فيصل



الله يخلف على ام جابتك الناس تقول بئر اسراري وانتي تقولين حفره
ندى



ايه اضحك الشرهه علي اللي كنت ابيها تبوسك قبل لا تموت علينا
فيصل



خليك من هالهذره وتعالي معاي للحديقه دامك حفره اسرارها

~~~~~~~~~~~~~~~~~~~~~

…..

لااااااا يعني لاااااااااا لو اموت ماتزوجته
ابو راكان



بتزوجينه ورجلك فوق ارقبتك فاهمه
لين بصراخ



وربي مااتزوجه لو اقتل عمري انا مو ليان المسكينه اللي تنفذ كل اللي تبونه انا لين

وماراح اسكت لكم تمشوني على كيفكم
ابو راكان بصراخ



والله ان تزوجينه ولو سمعت حرف واحد انا اللي بذبحك
لين بتهديد



حاول تجبرني وشوفو وش بسوي والله لا اخليكم تتمنون انكم قتلتوني ولا غصبتوني على

هالزواج
ابو راكان وهو يسحبها من شعرها وياخذها لغرفتها



ان ماعلمتك اشلون الادب ياللي ماتستحين وزوج

بتزوجين غصب عنك
دخلها غرفتها ورماها على الارض وطلع وسكر الباب عليها بعد مااخذ جوالها وقطع سلك التلفون اللي

بغرفتها
ابو راكان بصراخ



هالحيوانه لو احد فتح لها الباب قتلته الين تطس لبيت زوجها
ام راكان



يعني مو كافي ولدي طردته مدري وينه ناوي تذبح بنتك ياخي عمرها ماتزوجت
ابو راكان



ولدك لاتجبين لي طاريه وبدال ماتقولين هالكلام عقلي بنتك لو تلف الدنيا كلها مو لاقيه

احسن من طلال زوج لها
ام راكان



وش فيه زود غير فلوسه
ابو راكان



هذا انتي قلتيها فلوسه اللي بتعيش بنتك ملكه لما فيصل تزوج ليان زعلتي وكنتي تبين

خيره لبناتك هذا هو جاء اللي مثل فيصل يعني اسكتي وحمدي ربك وعقلي بنتك
طلع جواله واتصل على طلال
طلال



نعم
ابو راكان



هلا طلال الظاهر ماعرفتني
طلال



السموحه منك الصوت مو غريب علي بس ماعرفتك
ابو راكان



انا عمك ابو راكان الظاهر ماسجلت رقمي لما عطيتك
طلال



هلالالا والله السموحه منك يالغالي نسيت لا اسجله
ابو راكان



مسموح ياولدي لتكون مشغول
طلال



لا ابد امرني
ابو راكان



مايامر عليك عدو بس كنت بقولك دامك جاي بكره جيب الملاك معك علشان تتفقون على

كل شي براحتكم لاني احتمال بعد بكره اسافر
طلال هذا اللي كان يتمناه لو عليه ملك اليوم



ان شاء الله يالغالي انت تامر وتروح وترجع بالسلامه

ان شاء الله
ابو راكان



خلاص اجل انتظرك بكره بعد العصر وعذرني مانقدر نسوي حفله ولا شي تعرف صعبه

بالظروف اللي فيها الوالد
طلال



معك حق ومالومك وحتى انا افضل مايكون فيها احتفال ولا شي

ام راكان بعد ماشافته قفل من طلال



خاف ربك في بنتك الحين وش بيقول مستعجلين على الفكه من

بنتهم والا ماصدقو اني تقدمت لها
ابو راكان



خليه يقول اللي يقوله اهم شي تصير زوجته قبل لاتجيب لنا مصيبه ماعندي استعداد افرط

فعريس مثله لو شفتي اخوي سلطان اليوم لما قال طلال انه بيتزوج حسيته انه بيموت حتى حاول

يعترض ويقول ان لمى بتكون لو احد من عياله بس طلال قال يبي لين وماترك له حجه ولو عليه

زوجه بنته

~~~~~~~~~~~~~~

ندى



يله تكلم مافيه شي يردك الماء والخضره(وهي تشر على وجهها والوجه الحسن
فيصل بشمئزاز



وين اتكلم لاعت كبدي
ندى



وااااااااااااااااااااي وناسه بصير عمه
فيصل بستغراب



ليان وابصم لك بالمليون انها مو حامل غير اذا ماجد متزوج وانتي تدرين عنه هذا

شي ثاني
ندى



لا بس انتي مو تقول لايعه كبدك اكيد حامل
فيصل وهو يشد شعرها



الله يخلف على ام جابتك والشرهه مو عليك الشرهه على اللي يبي

مشورتك انقلعي من قدامي ولاتحلمين بالعرس دامي حي
ندى



لا لا وربي خلاص التوبه كلي اذان صاغيه .

.امر .

.

قول .

.تدلل .

.غرد .

.اطربني
فيصل



ايه خليك عاقله واسمعيني .

.

ليان زعلانه مني وماادري شلون اراضيها يعني بجيب لها

هديه بس ماادري وش يعجبها
ندى



ههههههههههههههههه بتراضي ليان بهديه .

.

فيصل ليان مو مثل ماتظن بترضى بطقم

والا بسفره والا باي شي مادي حتى لو كتبت كل حلالك بسمها
فيصل



اجل اشلون اراضيها
ندى



ليان تبيع لك عمرها مو بس ترضي بكلمه حلوة منك وبحنانك تقدر تكسب قلبها
فيصل



طيب هذا اللي انا اسويه ومازالت زعلانه
ندى



فيصل انا مدري وش اللي صاير بينكم لكن ليان ماتعرف تزعل ولا تحقد ممكن انت جرحتها

واللي هي فيه خوف من انها تسلمك قلبها وتجرحها مره ثانيه
فيصل



تصدقين احيانا احس انك ذكيه
ندى



تصدق احس بضيقه واكتئاب لما اكون عاقله
ناظر فيصل بندى اللي واقفه وعاطيه المسبح ظهرها
فيصل بخبث



ندى تذكرين مقاطعتك لنا قبل شوي
ندى



هههههههههههههه ايه قصدك لما خربت عليك البوسه ولا يهم…
لاااااااااااااااااااا كان اخر كلمه قالتها ندى قبل لايدفها فيصل في المسبح .

.

وقف يناظر فيها وهي

تتخبط في الماء ولما شافها بدت تستعيد توازنها وتحاول تطلع تركها وراح للبيت
اول مادخل تفاجاء بوجود راكان وتذكر ان جده طلب انه يجيه بعد المغرب انتبه على نظرات الرجاء

بعيون عمته ابتسم وقرب من راكان وسلم عليه
راكان



اعذرني يافيصل على جيتي هالوقت بس .

.
فيصل يقاطعه



البيت بيتك ياراكان وحياك في اي وقت
راكان



الله يسلمك ه…
قطع كلامهم صراخ ندى
كانت داخله مثل الاعصار بملابس مبلوله ولاصقه على جسمها والكحل سايح ومسوي خريطه بوجها

شوفي ولدك هذا ذابحته يعني ذابحته وخليكم كلكم شاهدي..

(وبصدمه لما شافت راكان لاااااااااا
انتبه راكان للموقف ونزل راسه للارض ومستغرب من حظه المنحوس ثلاث مرات يشوفها ولافيهن

ولامره شكلها كان يسر
اما ندى صنمت مكانها من الصدمه وماحست بامها وليان اللي يسحبونها للمجلس وهي تتحرك معهم مثل

الرجل الالي
ام ماجد



وش مسوي فيك كذا بزر انتي تسبحين بملابسك
ندى بصدمه



الثالثة ثابته
ليان



ندى وش ثالثته


فيصل هو داخل عليهم



ماعندك عقل انتي ماتفكرين ان ممكن يكون فيه احد جايه مدرعمه على طول
ندى بحقد



انت تسكت لا اذبحك
ام ماجد



فيصل خل التحقيق الحين وخلني اعرف وش مسوي فيها كذا
فيصل



كنت امشي معها وزلت رجلها وطاحت في المسبح
ندى بصراخ



كذاب هو اللي دفني وبصوت اخنقته العبره يمه الثالثة ثابته
ام ماجد



حسبي الله على عدوك يافيصل اللي خليتها تستخف
ليان



الله يهديك يافيصل راميها في المسبح على حزه هالمغرب ماخفت يجيها شي من الخوف بسم

الله عليها
فيصل



هذي الجني اللي بيدخل فيها بايعن عمره
ندى



كل تراب .

.

عطوني مرايه
ام ماجد



ياحسرتي على بنتي .

.

وش تبين فيها
ليان



انا بطلع اجيب لها من ملابسي وانت يافيصل روح اجلس عند جدي وراكان
فيصل بخبث



ماينفع اطلع معك
ندى



ضيعت مستقبلي وتغازل زوجتك قدامي
فيصل وهو يمسك يد ليان



والله من المستقبل .

.(وهوياخذ ليان معه برا الغرفه يله ياعمري

مشينا اخاف ماتنامين من الخوف اذا شفتي هالاشكال
ندى بحزن



يمه هذي ثالث مره بس اتوقع منظري هالمره افضل من اللي راحو صح
ام ماجد



شفتي وجهك يمه
ندى



لا
ام ماجد



اجل اذا شفتيه احكمي

الساعة 12 في جناح فيصل وليانليان



فيصل نمت
فيصل



لا مانمت ليه؟
ليان



فيصل سامحني
فيصل ياربي هل البنت تعذبني على كل اللي سويته فيها تعتذر على كلمه عاديه):

قلت لك ماراح

اسامحك الا ب بوسه او ضمه
ليان



فيصل يهون عليك الملائكه تلعني حتى اصبح
فيصل بستغراب



وليه تلعنك؟
ليان



ماادري سمعت انه اذا المراءه نامت وزوجها غضبان عليها تلعنها الملائكه حتى تصبح
فيصل



دامك عارفه ليه ماتراضيني
ليان



يعني ماراح تسامحني
فيصل



نوب
قربت منه ليان وهي تتمنى لو قصت لسانها هاللي ورطها وطبعت على خده اسرع بوسه ورجعت مكانها
فيصل



ههههههههه تسمين هذي بوسه
ليان باحراج

مافيه غيرها
فيصل



الله يصبرني لا راضي اي شي منك حلو
ليان



يعني سامحتني انام وانا مرتاحه
فيصل



مازعلت منك علشان اسامحك وبعدين الملائكه تلعن المراءه حتى تصبح اذا دعاها زوجها الى

الفراش ورفضت مو علشانه زعلان عليها زعله عاديه
انقرت ليان من نفسها صدق انها مخفه وغبيه كل شي تصدقة لعب عليها فيصل الين نفذ اللي براسه
فيصل



ليان سامحيني .

.

اخاف اموت وتحمل ذنب ظلمي لك
انقبض قلب ليان من كلمته ونزلت دموعها بصمت برغم كل اللي سواها لكنها مسامحته من كل قلبها

وخوفها منه هو من كثر حبها له اللي يزيد يوم عن يوم واي جرح منه ممكن يقتلها

~~~~~~~~~~~~~~~~~~~~

الساعة 3ونص العصر في بيت العمه نوره

ام ماجد



حسبي الله عليك من بنت خليني اسمع ام طلال وش تقول وانتي من البارح مزعجتني

بهاللي يتبكبك
ام طلال



ان لله وانا اليه راجعون مابعد خفت حالتها
ام ماجد



وين تخف وهي طول ليلها مشغلتن ابكي على ماجرالي ياهلي وتناشق
ام طلال



هههههههههههههههههههه حفظتيها
ام ماجد

وين ماحفظها وانا من البارح مااسمع غيرها..

خليك منها وقوليلي وش سالفه طلال
ام طلال



لاسالفه ولا شي كل الموضوع انه خطب لين وامس اتصل عليه ابو راكان يقوله يجي

اليوم العصر ويجيب الملاك معه واتصلت عليك ابيك تروحين معي
ام ماجد



الف مبروك ونعم من اختار والله يتمم لهم على خير
ام طلال



الله يبارك فيك هاا بتجين والا لا
ام ماجد



لا ان شاء الله بجي بس بشوف هالعله وشلون اوصل لها الخبر

ام ماجد بعد ماقفلت من ام طلال



ندى
ندى بحزن



لا تقولين اطفيه .

.

ابكي على ما جرا لي ياهلي..قلبي انا بالعنوسه مبتلي
ام ماجد



لاتكرهيني فيها زودن على كرهي لها من زين الصوت بعد محرفه فيها
ندى



مدري شلون قلبك يطاوعك تضحكين وانا حالي كذا الثالثة ثابته
ام ماجد



والله هذا في الحالات العاديه انت من الاولى وهي ثابته
ندى



كل ماتذكر وجهي والكحل مسوي فيه شوارع اتمنى اموت
ام ماجد



كله يهون عند سعبولتك
ندى



لااااااااااا وسعبوله بعد
ام ماجد



دامني خففت عليك شوي اجل بقولك عن خطبت لين وطلال
ندى



اي خففتي انت مثل اللي يرش الملح على الجرح وشووووووو .

.

خطبت مين
ام ماجد



انا ماحبيت اصدمك بالخبر فقلت خطبة والا هي ملكه وبعد ساعة يله اجهزي بنروح
ماردت عليها ندى وطاحت على الارض مغمى عليها
ام ماجد



ان صحيتي بعد نص ساعة الحقيني على السياره

في بيت ابو راكان

كانت محبوسه بغرفتها من امس المغرب مانفتح الباب غير مره وحده لما حطو الاكل كانت تحس انها

بسجن او معتقل كل كرها ل طلال قبل مايجي نقطه في بحر كرهها له الحين لكن مع كذا ماراح

تستسلم وهالزواج ماراح يتم لو على موتها .

.

قطع تفكيرها صوت الباب وهو يفتح
ابو راكان بعد مادخل



يله وقعي
لين بصدمه



وش اوقع عليه
ابو راكان



وقعي على ملكتك يعني وش ابوقعك عليه
لين الصدمه كانت اكبر منها اكيد ان ابوها هو اللي استعجل على الملكه ووين الملاك ليه مايسالها اذا

هي موافقه او لا
ابو راكان بصراخ



ترى مو فاضيلك يله وقعي
لين



توقيع ماراح اوقع ولاتعب عمرك وتضيع وقتك
ابو راكان بعصبيه



بتوقعين يعني بتوقعين لو اقص اصبعك وابصم فيه
لين



قلت ماراح اوقع اذا انت بعتني انا ماراح ابيع نفسي
عرف ان الكلام ماراح يجيب معها نتيجة سحبها من شعرها وقام يضرب فيها الين استسلمت وقعت

رماها علي الارض
ابوراكان بصراخ



ترى مابعد شفتي شي وخليني ارجع بعد نص ساعة وماتكونين جاهزة والله ثم والله

لااخليك تمنين لموت واسحبك له وانتي كذا
اول ماطلع من الغرفه الا ندى بوجهه
ابو راكان



وش عندك واقفه هنا
ندى



هاا .

.

ايه ك..

كنت ابي اشوف لين
ابو راكان



اذا يهمك امرها ادخلي عندها وعقليها ولا اجي بعد نص ساعة الا وهي جاهزه
ندى



هااه .

.

ايه ان شاء الله ابشر
دخلت على لين بعد مانزل خالها وصدمها شكل لين طول عمرها تشوف لين قوية ومافيه شي ياثر فيها

وشكلها بالمره مبهذل وهي اللي كانت اكثر وحده تهتم بشكلها ومظهرها حتى لو في البيت
ندى



لين وش اللي مسوي فيك كذا وهذا اليوم يوم ملكتك
لين ببكى



قولي يوم موتي اسواء يوم بعمري قولي اليوم اللي باعني ابوي فيه كااني بهيمه مو

انسانه بس لا تقولين يوم ملكتي
ندى



ياربي ان ماادري شنو هالحالة المستعصيه فيكم انتم ياهالتؤام تزوجتو بالطريقة اللي احلم فيها

وشعاركم يوم الملكه البكاء حتى الموت .

.

يااختى احمدو ربكم غيركم يعزرون فيهم الين مايزوجونها

ماتزوج الا وهي ناشف حلقها من كثر مايماطلون فيها
لين



ندىىىىىىىى اطلعي ماابي اسمع صوتك
ندى



لا مو طالعه واسمعيني وخذيها مني نصيحه ترى حالات العقل ماتزورني الا نادرا فستغليها .

.

اللي بوصله لك هو اني عارفه انك مجبره على الزواج وخلاص تم مابيدك تسوين شي وابوك بيجي

ياخذك تنزلين له بعد نص ساعة امامك خيارين ياتنسحبين له مثل البهيمه على قولتك بشكلك هذا وبكل

ضعف او تنزلين بكل شموخ وكبرياء وتبينين للكل انك لين اللي طول عمرها قوية وماترضى بالضعف

لين كانت تفكر بكلام ندى فعلا معاها حق هالبنت على كل اهبالها بس ميزتها تشغل عقلها بالمواقف

الحرجه
ندى وهي رافعه يديها للسماء



يارب حنن قلب امي واخوي وخلهم يزوجون بنفس طريقة جاحدات

النعمه لين وليان
لين



بديت الشك ان الكلام اللي من شوي صدر من خبله مثلك .

.

يله نقلعي خليني البس
ندى



البسي على مااروح اندب حظي وحط حرتي بالاكل
لين



مدري وين يروح هالاكل لو وحده تاكل اكلك بتصير ماتدخل مع الباب
ندى



ايه احسدوني مابقالي غير الاكل وبتحرموني منه

~~~~~~~~~~~~~~~~~~~~

طلعت من الحمام عزكم الله بعد مااخذت لها شور لبست وقعدت تحط ميك اب وماكانت تدري

عن اللي تمر فيه اختها وفي بالها شي واحد انها ناويه تفتح صفحة جديدة مع فيصل بس ماتدري شلون

تحس بخجل من مجرد انها تحاول خلصت مكياجها ووقفت تتامل وجهها .

.

حست بيد تلف خصرها

حاولت تبعد بس هو شدها على صدرها كان ظهرها هو اللي ملامس صدر فيصل
فيصل وهو يقرب شفايفه من اذنها



كافي عذاب وسامحيني
ليان بخجل واحراج



ممكن تتركني بنزل اشوف جدي
فيصل وهو مازال يهمس باذنها



قولي انك سامحتيني وخلينا نفتح صفحة جديدة وكافي عذاب لي ولك
ليان



فيصل مو وقت هالكلام ممكن تتركني
فيصل بقهر وياس



اموت واسمع كلمه احبك منك
تركها وطلع من الغرفه مصدمه من كلمه الموت اللي قالها من البارح وهو يكرر هالكلمه عليها حست

بضيقه وتسللت الدموع من عيونها
طلعت من غرفتها تبي تلحقه وتقوله احبك ولا اتخيل حياتي بدونك ومهما جرحتني مسامحتك بس خلك

معي على طول .

.

نزلت تحت بس مالقت احد راحت لغرفه جدها بس كان نايم .

.

جلست بالصاله

مهمومه وتلوم نفسها انها مانفذت اللي كانت تفكر فيه وتعطي حياتهم فرصه ثانيه

~~~~~~~~~~~~~~~

بعد ماتطمنت ان شكلها حلو ومرتب جلست تنتظر ابوها وهي مستغربه من ليان اشلون ماكرهت ابوي

على كل اللي سواه فيها من صغرها وهي تحس انها كرهته بس من تصرف واحد .

.

استغفر الله

العظيم اكيد اني انجنيت اشلون اقول كذا
… بوووووووووو وش تسووين
لين بخوف



حسبي الله عليك يالفقمه خلصتي اكل وجيتي تغثيني
ندى



لا بعد ماخلصت بس خالي مشغلني خدامه عنده ومرسلني اناديك
لين وهي تحس شجاعتها تبخرت



لا ندى واللي يخليك خايفه ماابي انزل
ندى



كيفك خليه يجي يسحبك مثل العنز نوو بروبلم
لين



كلي تبن مو انا اللي انسحب
ندى



اجل يله وريني شجاعتك ونزلي ولا بس كلام
لين وهي تدفها عن طريقها



وخرري عن طريقي لا اخليك تعرفين من لين
بعدت ندى وعلى فمها ابتسامه خبيثه هذا اللي كانت تبيه
نزلت لين بكل ثقه مرت على عمتها وام طلال وسلمت عليهم وراحت لاابوها
ابوراكان بعد ماشافها



زين اللي عقلتي وعرفتي مصلحتك
لين بقهر



اذا خلصت محاضرتك قولي علشان ادخل
ابو راكان



لسانك هذا يبيله قص بس الحين مو وقته ادخلي وبعدين يصير خير
دخلها واول ماجلست طلع وتركهم
كان طلال يناظر فيها من دخلت بكل ثقه وجلست وحطت رجل على رجل بدون ماتسلم
طلال بستهزاء



السلام سنه
لين وهي تناظره بحتقار



والمطلوب

؟
طلال بنفس الاحتقار



من الادب اذا دخلتي على احد تسلمين .

.

اوو اسف نسيت انك ماتعرفين

شنو الادب ومحتاجه تربيه من اول وجديد
لين بقهر



ودام انا في نظرك وحده مو متربيه ليه اموت عمرك على الزواج مني
طلال بحتقار



ههههههههههههههه حلوة اموت نفسي على الزواج منك وليه ماتقولين ابوك هو

اللي ميت بس يتخلص منك يكون في معلومك هو اللي حدد كل شي وانا ماحبيت احرجه
لين ميته من القهر وهي متاكده ان اللي يقوله صدق



حقير
طلال وهو يوقف ويقرب منها



الحقير هو اللي بيربيك من اول وجديد ولاتنغرين على بالك اني

تزوجتك حبا فيك لا اصحي انا تزوجتك علشان اكسر خشمك واحمي الناس اللي احبهم من شرك
لين بحقد



اشلون ترضى تعيش مع انسانه ماتبيك انت مو رجال والا ماترضاها على نفسك
طلال وهو يقرب منها وبتهديد:

مو حاب امد يدي عليك وانا في بيت ابوك لكن اذا رحنا لبيتي ذيك

الحظه اعلمك الادب ومن اللي مو رجال
رمى عليها شبكتها وطلع….

واتصل على امه وطلب منها تطلع

ام طلال بعد ماركبت السيارة



اشفيك يمي استعجلت
طلال وهو يحاول مايبين القهر اللي بداخله



عندي شغل يالغاليه
طلع جواله وهو مو عارف اشلون يقول ل فيصل اللي صار
فيصل بضيقه



هلا طلال
طلال



هلابك وش فيها الاخلاق قافله
فيصل



لاتشغل بالك وينك حتى امي اخذها معك
طلال وهو يحاول يبين انه سعيد



ليه مابشرتك اني خطبت
فيصل



نعم وانا اخر من يعلم
طلال



لا يالغالي بس والله كل شي جاء بسرعه
فيصل



ومن هالمقروده اللي بترضى فيك
طلال



الله يسلمك لين بنت عمك ابراهيم
فيصل بصدمه



ومالقيت غيرها .

.

اسمعني تفركش كل شي فاهم واذا بتناسب احد من اعمامي

اخطب منال بنت عمي سلطان وربي انها ملاك وحرام يكون عند عمي بنت مثلها
طلال



فيصل خلاص عمك سوا الملكه
فيصل بعصبيه



لاتقول انكم ملكتو…….

(انتبه متاخر على السيارة اللي قاطعه الاشاره ومتجهه

له بكل سرعتها لاااااااااااااااااااا طلعت هالكلمه من فمه وهو عارف انها ماراح تمنع القدر وشريط

حياته يمر قدام عيونه ولا شغل فكرة هاللحظه السريعة غير شنو بيكون مصير جده وليان من بعده

كان طلال يحس بالموت والالم يقطعة وهو يسمع صرخه اخوه وهو مو قادر يوصله ويساعده كان

يصارخ ويناديه لكن ماكان فيه اي صووووووت .

.

رجعت فيه الذاكر 18 سنه ورى تذكر لما

كانو يلعبون مع ابوه وهم اعمارهم 11 سنه
ابو طلال



خلاص رجال مشاء الله عليكم .

.

الا كم عمرك ياطلال؟
طلال



عمري 70 سنه
ابو طلال



هههههههههههههه مشاء الله عليك وانت يافيصل كم عمرك؟؟
فيصل بهدوءه المعتاد في صغره



عمري 30 سنه
ابو طلال بدون شعور ضم فيصل وهو يسمي عليه ودموعه على خده
استغرب طلال تصرف ابوه وقتها بس بعد ماسمع حوار امه وابوه زال استغرابه
ام طلال



ليه تاثرت لما فيصل قال عمره 30
ابو طلال



والله مدري يمكن لو اقولك اللي خطر في بالي بتقولين مجنون .

.

لما قال طلال كم

عمره خطر في بالي بعيش الين يصير عمره سبعين بس لما قال طلال عمره 30 خطر في بالي انه

بيموت وعمره 30
صح من افكاره على يد امه وهي تهزه وتساله وش اللي صار
طلال بحرقه ودموعه بدت تسيل على خده



فيصاااااااااااااااااااااااااال

انتهى الجزء الثامن

وش اللي بيصير لليان وش بتكون ردت فعلها؟؟
وش مصير طلال ولين هل بيستمر زواجهم او بيكون الطلاق هو الحل؟؟
وش بتكون ردت فعل راس الشر ليان؟؟؟

 

  • رواية فيصل وليان كامله منتدى تعب قلبي
  • رواية ابوس راسك يازمن كامله منتدى تعب قلبي
  • رواية فيصل وليان منتدى تعب قلبي
  • روايه فيصل وليان
  • روايه فيصل و ليان منتدى تعب قلبي
  • روايه فيصل
  • أبوس راسك يا زمن ليان حامل يا فيصل
  • رواية فيصل وليان السعودية كاملة
  • رواية اتزوجتك غصب يا بزر
  • رواية ابوس رأسك يازمن للتحميل
939 views

رواية ابوس راسك يازمن