3:44 مساءً الإثنين 21 يناير، 2019






رواية ابوس راسك يازمن

 

 

بالصور رواية ابوس راسك يازمن 20160816 948

 

قولى احبك
كى تزيد و سامتي
فبغير حبك لا اكون جميلاقولى احبك كى تصير اصابعي
ذهبا و تصبح جبهتى قنديلا
الان قوليها و لا تترددى بعض الهوى
لا يقبل التاجيل

ساغير التقويم لو احببتني
امحو فصولا او اضيف فصولا
و سينتهى العصر القديم على يدي
و اقيم عاصمه النساء بديلا

ملك انا لو تصبحين حبيبتي
اغزو الشموس مراكبا و خيولا
لا تخجلى منى فهذى فرصتي
لاكون بين العاشقين رسولا

ابو عبد العزيز بعصبيه اقولك نزلنى لا اقطع هالعقال على ظهرك
ليان فيصل بلا و قاحه و نزل جدي
فيصل و هو يجلس جده على الكنب و الله و عندك محاميه ما يستهان فيها
ابو عبد العزيز احمد ربك لو هالمحاميه مهى فيه و الا لسبتك بهالعقال
فيصل بعد ما ضبط شماغ جده تمون على رقبتى يالغالى .

.

و الحين انا بطلع البس قبل لا يوصلون
خلص كلامه و مسك يد ليان و اخذها معاه فوق
ليان بعصبيه ممكن تترك يدى و الا بزر تبينى البسك
فيصل لا ابشرك اعرف البس بروحى بس ممكن اعرف ليش قلتى على و قح
ليان اسال نفسك اجل تصرفك مع جدى و ش تسميه
فيصل و ش التصرف الوقح اللى سويته مع جدى غير انى طلعته من الغرفه و جلسته بالصاله
ليان كان تقدر تاخذه بالكرسى المتحرك حقه و ما له داعى تشيله و الا بس حاب ترفع ضغطه

وتستعرض قوتك
فيصل يناظرها بحتقار الله يعينك على تفكيرك اولا مو محتاج استعرض قوتى و خصوصا مع جدي

وثانيا انا جلسته في الصاله ابيهم لما يجون يشوفونه بكامل قوته مثل ما كان على طول ما ابيهم ينظرون له

بشفقه او شماته و اذا تصرفى رفع ضغط جدى عندى اهون من انهم يشوفون ضعفه بعد قوته
خلص كلامه و دخل الجناح .

.

و قفت ليان مكانها تفكر بالكلام اللى قاله فيصل فعلا معاه حق لما قال

الله يعينى على تفكير كل همه كان بجدى و بنظرتهم له و انا اللى على بالى بس انه يستهبل و يستعرض

قوته

بعد نص ساعه في الصاله

ابو عبد العزيز وين راكان ياخالد ما شوفه جاء
ابو راكان و ش تبى فيه خله باللى ما يحفظه
ابوعبد العزيز الظاهر انى سالت خالد ما سالتك
خالد عنده شغل بس يخلصه بيجى ان شاء الله
ابو راكان لا اشوف رقعه و جهه ان جاء ذبحته
ابو عبد العزيز اذا صار هالبيت بيتك تشرط من يدخله و من ما يدخله
ابو تركى و ش فيك يبه من جيت انا و ابراهيم و انت شاب علينا
ابو عبد العزيز خالد اتصل على راكان قوله انى انتظره بعد المغرب لازم يجي
خالد ابشر ان شاء الله بتصل عليه و اقوله
ابو تركى بزعل الحين اكلمك و تسفهنى و تكلم خالد و بعدين و ش هالاهتمام براكان حتى تركى ما جاء

ليه ما سالت عنه
ابو عبد العزيز ما يحتاج اسال عن تركى عندى النسخه الثانيه منه
فيصل و هو يحاول يمسك ضحكته لانه عارف و ش يقصد جده جدى طلال جاء ادخله هنا و الا نطلع

له في المجلس
ابو عبد العزيز لا روحو له انا بسلم على البنات قول ل نوره تناديهم
فيصل ابشر..عمى ابو تركى و ابو راكان خلونا نروح للمجلس
راحو كلهم على المجلس و فيصل نادي ليان و قالها تنادى البنات جده يبى يسلم عليهم

فى المجلس بعد ما سلمو على طلال

ابو تركى و ش عندك في الرياض خابرك مستقر بلندن
طلال اكتفيت من الغربه و قلت اجى امسك شركتنا اللى هنا و اريح فيصل كافى عليه شركته هو

وجده
ابو تركى الحين ابوك ليه سجلها شراكه بينك و بين فيصل
طلال الشركه لجدى الله يرحمه و من بعده استلمها ابوى و فيصل اخذ نصيب امه منها
ابو تركى ايه بس على كلام ابوى ان نص شركته لفيصل لان ابوك الله يرحمه عطاه و رث اخته

يستثمره لفيصل
طلال ابو عطا عمى ابو عبد العزيز جزء من نصيب ام فيصل من و رث ابوها و نصيبها من الشركه

تركه مثل ما هو و قبل لايموت سجله باسم فيصل
ابو راكان و انت ما عارضت ان فيصل يشاركك في حلال ابوك
طلال و ليه اعارض فيصل ما اخذ الا نصيبه
ابو تركى و الله اللى اشوفه محد استفاد غيره اخذ نص حلال ابونا و نص حلال ابوك
طلال فيصل ما اخذ غير و رثه من امه و ابوه و لو واحد غيره كان ما رضي يشتغل بالشركه و يتحمل

التعب كله بدون ما يكون له جزء من الارباح مقابل شغله
ابو تركى كلنا نشتغل و نتعب فيها بدون ما نطالب بشي
طلال اللى اعرفه ان لك شركتك الخاصه و هى اللى تشتغل فيها و مع كذا تاخذ ارباح من شركة

عمي ابو عبد العزيز
ابو راكان و الله مدرى و ش مسويلكم كلن يدافع عنه
طلال ما ندافع عنه نقول الحق
ابو راكان وين ناوى تسكن؟؟
طلال بيت جدى ما زال موجود و من شهرين كلفت شركه بتجديده و ترميمه وان شاء الله كلها كم يوم

ويكون جاهز
ابو تركى و منت ناوى تزوج

؟
طلال لا ناوى و عن قريب بس ان شاء الله الاقى القبول
ابو تركى و من المهبول اللى بيرفضك مشاء الله ما عليك قاصر
طلال اجل اتقدم ياعم ابو راكان و انا متطمن
ابو راكان بستغراب و ليه من ناوى تخطب
طلال و الله المفروض اقول هالكلام و انا في بيتك بس دام فتحنا هالسالفه و هالبيت بيت و لدك فانا

يشرفنى اطلب القرب منك
ابو تركى بقهر من اخوه اللى اغني ثنين عرفهم و كلهم اتزوجو بناته بس منال ان ابيها لولدى تركي

او خالد و اظن عيال عمها احق
طلال الله يتمم لهم على خير بس انا طالب لين .

.

هاا و ش قلت ياعم
ابو راكان لو كان فيه عيد ثالث كان بالنسبه له بيكون اليوم و انقهر من اخوه اللى كان بيخرب عليه

: و الله ما اقول يولدى غير اللى قاله اخوى من المهبول اللى يرفضك مشاء الله ما عليك قاصر
طلال الله يبارك فيك ياعم بس متى بعرف بالرد
ابو راكان ردى وصلك
طلال اقصد متى بتشاور الاهل و البنت و ترد لى بالموافقه
ابو راكان الكلمه هى كلمتى و دامنى موافق خلاص حياك الله عندى في البيت و نتفق على كل شي
طلال ببتسامه خبث لان هذا اللى كان يتمناه يعرف لو شاورها بترفض اجل اذا ما عندك بكره شي

بتشرف بزيارتك
ابو راكان حياك الله ياولدى البيت بيتك
كان ابو تركى يسمع و هو ساكت و قهر الدنيا كله فيه ليان و تزوجت فيصل و لين تزوجت طلال و بناته

طايحات بكبده محد خطبهن و لو انخطبن ما راح احد يتقدم لهن يكون افضل من فيصل و طلال

~~~~~~~~~~~~~~~~~

فى الصاله

منال بهمس شوفى شيبه النار يسولف و يضحك معهم و انا و انتى ما ينظر حتى فوجيهنا
لمي بقهر و ربى شى يقهر بس الشرهه مو عليه الشرهه علينا اللى جايات نسلم عليه
منال بنفس الهمس لا ياماما و لا همنى و ما جيت غير علشان اسوى اللى براسي
لمى ما تقولين لى اشلون نسوى اللى قلتيه و هالعله لين غير عينها علينا احسها شاكه فينا
منال ملاحظتها الله ياخذها و صدقينى هذا انسب وقت دامهم لاهين مع جدك العله
قاطعهم صوت ام ما جد بنات يله اهلكم بيمشون
منال بصدمه وين يمشون لسه بدري
ام ما جد و الله مدرى عنهم اللى اعرفه انهم ينتظرونكم
منال برجاء عمتى طلبتك قولى لهم بدرى او بجلس و بعدين ارجع انا و لمي مع السواق
ام ما جد على راحتك ما تبين تروحين قولى لهم
قامو البنات يلبسون عبياتهم الا منال و لمي راحو بيقولون انهم بيجلسون
منال يمه و ربى طفش خلينا شوى و بعدين نرجع مع السواق
ام تركى بكيفك يله يارنيم و الا بتجلسين انتى بعد
رنيم لا انا بروح
منال خالتى و اللى يعافيك خلى لمي تجلس معى و بعدين انا اوصلها
ام راكان اللى يريحك يمى بس لاتاخرون و انتى يالين؟؟
لين كان عندها احساس ان جلستهم مو لله و انهم ناوين يسوون شى لا بجلس و ارجع معهم
طلعو كلهم ما عدا منال و لمي يناظرون لين بحقد و خوف انها تكون شاكه فيهم
ليان تعالو نجلس فوق اكيد فيصل بيدخل دام طلال راح
لين يكون افضل
ام راكان و هى راجعه لهم لين يله البسى عبايتك ابوك رفض تجلسين
لين و ليه يرفض انى اجلس و يسمح ل لمى
ام راكان يقول يبيك بموضوع بسرعه قبل لايعصب
طلعت لين مع امها بقهر و هى خايفه على ليان منهم و تفكر بشنو الموضوع اللى ابوها يبغاها علشانه
منال بخبث ليان روحى شوفى جدى قبل لانطلع فوق ليكون محتاج شي
ليان معك حق ارتاحو دقايق و جايه او اطلعو فوق البيت بيتكم
منال بعد ما راحت ليان يله بسرعه قبل لاتجي
لمي و الله مدرى و ش بتوصلنا خططك له يله مشينا
راحو للمجلس القريب من المدخل و وقفت منال تراقب مع الشباك علشان تشوف متى بيجى فيصل و تبدا

بخطتها

فى سياره ابو تركي

ام تركى الحين ممكن تقولى ليه معصب و بس تصارخ
ابو تركى بعذرى اعصب منك انتى و بناتك
ام تركى و ش ذنبنا اذا فيصل و طلال خطبو بناته و ش بيدنا نسوي
رنيم الله يهنيهم و يسعدهم هذا اللى مفروض نقوله
ابو تركى كلى تراب و لا اسمع صوتك قال الله يهنيهم قال..

الله لايهنيهم
رنيم بقهر ليه كنت تبينا نستعرض قدامهم علشان يخطبونا و الا نترجاهم
ابو تركى بعصبيه و الله ان ما سكتى لا انزلك و توطاك بالسياره يالحيوانه
سكتت رنيم و هى تغلى من القهر عمرها ما كانت حسوده و تكره الحسد و الله بلاه باخت و ام و اب

مايرضيهم غير اللى بيدين غيرهم

~~~~~~~~~~~~~

منال لما شافت فيصل جاى بيدخل يله جاى بسرعه مثل ما وصيتك و خلى صوتك عالي
جلست على الكنب و حطت يديها على و جهها و هى تمثل انها تبكي
لمي الحين ممكن اعرف ليه تبكين
انتبه فيصل ان فيه احد و كان بيرجع بس و قفه كلام منال
منال و هى تبكى جدى جدى يالمي ما شفتى شلون يعاملنا .

.مستعده ادفع كل عمرى بس يغير

معاملته معي
لمى مو بس معك مع الكل و بعدين دامه ما يحبنا ليه نفرض نفسنا عليه
منال ما الومه على معاملته كلها من ابوى و ابوك
لمي و ليه ما تقولين ان فيصل هو السبب بكره جدى لنا
منال فيصل ما له اي ذنب قولى طمع ابوى و ابوك و حسدهم هو اللى كره جدى فيهم و فينا و لاتلومين

جدى على حبه ل فيصل ما فيه احد اهتم في جدى طول مرضه و يحبه كثره
لمي اشوفك قلبتى علينا علشان فيصل
منال انا اقول كلمه الحق اللى كلنا ننكرها ابوى و عمى عمرهم ما حبو غير الفلوس و كرهو فيصل لانه

اخذ نصيبه مع ان المفروض يحبونه و يعوضونه عن ابوه
اكتفي فيصل باللى اسمعه و طلع و هو مو مصدق ان عمه سلطان عنده هالجوهره توقع ان كل عياله مثله

واكبر مثال تركى لكن اللى اكتشفه ان عنده بنت تنوزن بالذهب و تقول كلمه الحق لو انها ضد ابوها
اتصل على ام ما جد علشان تشوف له الطريق بيروح لجده ما حب يدخل و يحرجها انه سمع كلامها اللي

قالته
لمي بهمس اتوقع انه راح و الحين ممكن تقولين لى و ش استفدتى من هالتمثليه
منال تتوقعين سمع اللى قلته
لمي اكيد سمع هذا اذا البيت كله ما سمع كلامك
منال ياغبيه لازم ابين لفيصل ان انا ضد الكل و غير عن اهلى علشان يعجب فينى و بعدين لكل

حادث حديث
لمي طيب اسكتى احس احد جاي
ام ما جد و هى تدخل عليهم و ش مجلسكم هنا فيصل بيدخل .

.

(ولما انتبهت لمنال منال اشفيك

ليه و جهك كذا كنتى تبكين

؟
منال بحزن لا عمتى ما ابكى و بعدين عن اذنك ان طالعه و بوصل لمي معى سلميلى على جدي

واعتذرى لليان مني
لبست عباتها هى و لمي و طلعو

ليان عمتى وين راحو البنات؟
ام ما جد و الله مدرى عنهم دخلت عليهم في المجلس كانت منال تبكى و لما سالتها و ش فيها قالت

مافينى شى سلمى على جدى و اعتذرى لى من ليان و طلعت هى و لمى
ليان و ليه تبكى ما عرفتي
فيصل يمكن بعض الناس ما استقبلوهم زين
ام ما جد بسم الله من متى و انت هنا
فيصل توي داخل الا وين جدي
ام ما جد بغرفته و عنده ندى
فيصل سنايدى و الله و عسي الممرض الطخمه على قولتها عنده بعد يعنى ما تعرفين بنتك
ام ما جد يؤؤؤؤؤؤؤ تصدق انى نسيت .

.

بقوم الحق عليها لاتسوى لنا فضيحه
ليان هههههههههههههههههه مسويه لكم رعب هالبنت
فيصل فديت هالضحكه
ليان و ش تقصد بكلامك ان بعض الناس مستقبلوها زين
فيصل ما ادرى بس اقول يمكن جدى ما ستقبلها زين و هى تحسست من الموضوع
ليان ما ادرى و الله لانى ما كنت عندهم كنت اجهز غرفه خالتى ام طلال
فيصل لا اوصيك عليها تراها الغاليه اللى ما شفت منها غير كل خير
ليان لاتوصينى عليها هذى مثل امى .

.

فيصل
فيصل ياعيونه
ليان انا اسفه على اللى صار اليوم سامحنى على تفكيرى الغلط فيك
فيصل كان ناسى و دام انها هى فاكره حب يستغل الموقف جرحتينى بكلامك و ربى ما توقعت ان

تفكيرك فينى كذا
ليان بندم ما الومك لما فهمت منك ليه سويت كذا و ربى استصغرت نفسى و تفكيرى فيصل ارجوك

سامحني
فيصل بخبث مستعد اسامحك و انسي كل اللى صار ب بوسه منك
ليان بخجل لااااااااا
فيصل تري ما طلبت شى كلها بوسه صغيره على خدى ما راح تنقص منك شي
ليان لااااا
فيصل اجل الله لايسامحك و انتى انسانه تخافين ربك و تعرفينى انى زوجك جنتك و نارك و اذا ضميرك

يسمحلك بكيفك
ليان بصدمه فيصل و اللى يرحم و الديك لاتقول كذا و اطلب اي شى ثانى اسويه
فيصل اختارى يابوسه ياضمه وبخبث و اذا الثنتين كلهم ما عندى ما نع انتى كريمه و انا استاهل
ندي تغنى بنشاز انى خيرتكى فختارى ما بين الموت على صدرى او فوقا دفاتر اشعارى .

.

يختي

بوسيه لايطق فيه عرق و الا اقولك خليه ان ابوسه عنك
فيصل بقهر جت هادمه اللذات حسبى الله عليك من بنت
ليان كانت ميته من الخجل و تتمني لو تذبح ندى
ندي شوف لاتدعى على تري ما ابوسك
فيصل باستهزاء لا و اللى يرحم و الديك بوسينى لا اموت .

.

انقلعى اصلا لو بستينى لا اقطع خدي

ورميه للكلاب
ندي ايه ناس ترفس النعمه و ناس تتمناها بروح ادور الممرض الطخمه اواسيه بكم كلمه و بوسه اطرد

عنه شبح الغربه
ليان هههههههههههههههههههههههههه
فيصل تصدقين ياندي كل ليله قبل لا انام افكر بخطه اشلون اذبحك بس من تضحكين هالقمر اتعوذ

من الشيطان و غير رايئي
ندي يعنى موافق ابوسك؟
ليان نصيحه لا تغير رائيك و اذبحها على ما اروح اشوف خالتى ام طلال
طلعت ليان فوق و تركتهم
ندي تصدق زوجتك فيها عرق نذاله هذا و انا صديقتها و حفره اسرارها
فيصل الله يخلف على ام جابتك الناس تقول بئر اسرارى و انتى تقولين حفره
ندي ايه اضحك الشرهه على اللى كنت ابيها تبوسك قبل لا تموت علينا
فيصل خليك من هالهذره و تعالى معاى للحديقه دامك حفره اسرارها

~~~~~~~~~~~~~~~~~~~~~

…..

لااااااا يعنى لاااااااااا لو اموت ما تزوجته
ابو راكان بتزوجينه و رجلك فوق ارقبتك فاهمه
لين بصراخ و ربى ما اتزوجه لو اقتل عمرى انا مو ليان المسكينه اللى تنفذ كل اللى تبونه انا لين

وماراح اسكت لكم تمشونى على كيفكم
ابو راكان بصراخ و الله ان تزوجينه و لو سمعت حرف واحد انا اللى بذبحك
لين بتهديد حاول تجبرنى و شوفو و ش بسوى و الله لا اخليكم تتمنون انكم قتلتونى و لا غصبتونى على

هالزواج
ابو راكان و هو يسحبها من شعرها و ياخذها لغرفتها ان ما علمتك اشلون الادب ياللى ما تستحين و زوج

بتزوجين غصب عنك
دخلها غرفتها ورماها على الارض و طلع و سكر الباب عليها بعد ما اخذ جوالها و قطع سلك التلفون اللي

بغرفتها
ابو راكان بصراخ هالحيوانه لو احد فتح لها الباب قتلته الين تطس لبيت زوجها
ام راكان يعنى مو كافى و لدى طردته مدرى وينه ناوى تذبح بنتك ياخى عمرها ما تزوجت
ابو راكان و لدك لاتجبين لى طاريه و بدال ما تقولين هالكلام عقلى بنتك لو تلف الدنيا كلها مو لاقيه

احسن من طلال زوج لها
ام راكان و ش فيه زود غير فلوسه
ابو راكان هذا انتى قلتيها فلوسه اللى بتعيش بنتك ملكه لما فيصل تزوج ليان زعلتى و كنتى تبين

خيره لبناتك هذا هو جاء اللى مثل فيصل يعنى اسكتى و حمدى ربك و عقلى بنتك
طلع جواله و اتصل على طلال
طلال نعم
ابو راكان هلا طلال الظاهر ما عرفتني
طلال السموحه منك الصوت مو غريب على بس ما عرفتك
ابو راكان انا عمك ابو راكان الظاهر ما سجلت رقمى لما عطيتك
طلال هلالالا و الله السموحه منك يالغالى نسيت لا اسجله
ابو راكان مسموح ياولدى لتكون مشغول
طلال لا ابد امرني
ابو راكان ما يامر عليك عدو بس كنت بقولك دامك جاى بكره جيب الملاك معك علشان تتفقون على

كل شى براحتكم لانى احتمال بعد بكره اسافر
طلال هذا اللى كان يتمناه لو عليه ملك اليوم ان شاء الله يالغالى انت تامر و تروح و ترجع بالسلامه

ان شاء الله
ابو راكان خلاص اجل انتظرك بكره بعد العصر و عذرنى ما نقدر نسوى حفله و لا شى تعرف صعبه

بالظروف اللى فيها الوالد
طلال معك حق و ما لومك و حتى انا افضل ما يكون فيها احتفال و لا شي

ام راكان بعد ما شافته قفل من طلال خاف ربك في بنتك الحين و ش بيقول مستعجلين على الفكه من

بنتهم و الا ما صدقو انى تقدمت لها
ابو راكان خليه يقول اللى يقوله اهم شى تصير زوجته قبل لاتجيب لنا مصيبه ما عندى استعداد افرط

فعريس مثله لو شفتى اخوى سلطان اليوم لما قال طلال انه بيتزوج حسيته انه بيموت حتى حاول

يعترض و يقول ان لمي بتكون لو احد من عياله بس طلال قال يبى لين و ما ترك له حجه و لو عليه

زوجه بنته

~~~~~~~~~~~~~~

ندي يله تكلم ما فيه شى يردك الماء و الخضره(وهى تشر على و جهها و الوجه الحسن
فيصل بشمئزاز وين اتكلم لاعت كبدي
ندي و ااااااااااااااااااااى و ناسه بصير عمه
فيصل بستغراب ليان و ابصم لك بالمليون انها مو حامل غير اذا ما جد متزوج و انتى تدرين عنه هذا

شى ثاني
ندي لا بس انتى مو تقول لايعه كبدك اكيد حامل
فيصل و هو يشد شعرها الله يخلف على ام جابتك و الشرهه مو عليك الشرهه على اللى يبي

مشورتك انقلعى من قدامى و لاتحلمين بالعرس دامى حي
ندي لا لا و ربى خلاص التوبه كلى اذان صاغيه .

.امر .

.

قول .

.تدلل .

.غرد .

.اطربني
فيصل ايه خليك عاقله و اسمعينى .

.

ليان زعلانه منى و ما ادرى شلون اراضيها يعنى بجيب لها

هديه بس ما ادرى و ش يعجبها
ندي ههههههههههههههههه بتراضى ليان بهديه .

.

فيصل ليان مو مثل ما تظن بترضي بطقم

والا بسفره و الا باى شى ما دى حتى لو كتبت كل حلالك بسمها
فيصل اجل اشلون اراضيها
ندي ليان تبيع لك عمرها مو بس ترضى بكلمه حلوه منك و بحنانك تقدر تكسب قلبها
فيصل طيب هذا اللى انا اسويه و ما زالت زعلانه
ندي فيصل انا مدرى و ش اللى صاير بينكم لكن ليان ما تعرف تزعل و لا تحقد ممكن انت جرحتها

واللى هى فيه خوف من انها تسلمك قلبها و تجرحها مره ثانيه
فيصل تصدقين احيانا احس انك ذكيه
ندي تصدق احس بضيقه و اكتئاب لما اكون عاقله
ناظر فيصل بندي اللى و اقفه و عاطيه المسبح ظهرها
فيصل بخبث ندي تذكرين مقاطعتك لنا قبل شوي
ندي هههههههههههههه ايه قصدك لما خربت عليك البوسه و لا يهم…
لاااااااااااااااااااا كان اخر كلمه قالتها ندي قبل لايدفها فيصل في المسبح .

.

و قف يناظر فيها و هي

تتخبط في الماء و لما شافها بدت تستعيد توازنها و تحاول تطلع تركها و راح للبيت
اول ما دخل تفاجاء بوجود راكان و تذكر ان جده طلب انه يجيه بعد المغرب انتبه على نظرات الرجاء

بعيون عمته ابتسم و قرب من راكان و سلم عليه
راكان اعذرنى يافيصل على جيتى هالوقت بس .

.
فيصل يقاطعه البيت بيتك ياراكان و حياك في اي وقت
راكان الله يسلمك ه…
قطع كلامهم صراخ ندى
كانت داخله مثل الاعصار بملابس مبلوله و لاصقه على جسمها و الكحل سايح و مسوى خريطه بوجها

شوفى و لدك هذا ذابحته يعنى ذابحته و خليكم كلكم شاهدي..

(وبصدمه لما شافت راكان لاااااااااا
انتبه راكان للموقف و نزل راسه للارض و مستغرب من حظه المنحوس ثلاث مرات يشوفها و لافيهن

ولامره شكلها كان يسر
اما ندي صنمت مكانها من الصدمه و ما حست بامها و ليان اللى يسحبونها للمجلس و هى تتحرك معهم مثل

الرجل الالي
ام ما جد و ش مسوى فيك كذا بزر انتى تسبحين بملابسك
ندي بصدمه الثالثه ثابته
ليان ندي و ش ثالثته


فيصل هو داخل عليهم ما عندك عقل انتى ما تفكرين ان ممكن يكون فيه احد جايه مدرعمه على طول
ندي بحقد انت تسكت لا اذبحك
ام ما جد فيصل خل التحقيق الحين و خلنى اعرف و ش مسوى فيها كذا
فيصل كنت امشى معها و زلت رجلها و طاحت في المسبح
ندي بصراخ كذاب هو اللى دفنى وبصوت اخنقته العبره يمه الثالثه ثابته
ام ما جد حسبى الله على عدوك يافيصل اللى خليتها تستخف
ليان الله يهديك يافيصل راميها في المسبح على حزه هالمغرب ما خفت يجيها شى من الخوف بسم

الله عليها
فيصل هذى الجنى اللى بيدخل فيها بايعن عمره
ندي كل تراب .

.

عطونى مرايه
ام ما جد ياحسرتى على بنتى .

.

و ش تبين فيها
ليان انا بطلع اجيب لها من ملابسى و انت يافيصل روح اجلس عند جدى و راكان
فيصل بخبث ما ينفع اطلع معك
ندي ضيعت مستقبلى و تغازل زوجتك قدامي
فيصل و هو يمسك يد ليان و الله من المستقبل .

.(وهوياخذ ليان معه برا الغرفه يله ياعمري

مشينا اخاف ما تنامين من الخوف اذا شفتى هالاشكال
ندي بحزن يمه هذى ثالث مره بس اتوقع منظرى هالمره افضل من اللى راحو صح
ام ما جد شفتى و جهك يمه
ندي لا
ام ما جد اجل اذا شفتيه احكمي

الساعه 12 في جناح فيصل و ليانليان فيصل نمت
فيصل لا ما نمت ليه؟
ليان فيصل سامحني
فيصل ياربى هل البنت تعذبنى على كل اللى سويته فيها تعتذر على كلمه عاديه): قلت لك ما راح

اسامحك الا ب بوسه او ضمه
ليان فيصل يهون عليك الملائكه تلعنى حتى اصبح
فيصل بستغراب و ليه تلعنك؟
ليان ما ادرى سمعت انه اذا المراءه نامت و زوجها غضبان عليها تلعنها الملائكه حتى تصبح
فيصل دامك عارفه ليه ما تراضيني
ليان يعنى ما راح تسامحني
فيصل نوب
قربت منه ليان و هى تتمني لو قصت لسانها هاللى و رطها و طبعت على خده اسرع بوسه و رجعت مكانها
فيصل ههههههههه تسمين هذى بوسه
ليان باحراج مافيه غيرها
فيصل الله يصبرنى لا راضى اي شى منك حلو
ليان يعنى سامحتنى انام و انا مرتاحه
فيصل ما زعلت منك علشان اسامحك و بعدين الملائكه تلعن المراءه حتى تصبح اذا دعاها زوجها الى

الفراش و رفضت مو علشانه زعلان عليها زعله عاديه
انقرت ليان من نفسها صدق انها مخفه و غبيه كل شى تصدقه لعب عليها فيصل الين نفذ اللى براسه
فيصل ليان سامحينى .

.

اخاف اموت و تحمل ذنب ظلمى لك
انقبض قلب ليان من كلمته و نزلت دموعها بصمت برغم كل اللى سواها لكنها مسامحته من كل قلبها

وخوفها منه هو من كثر حبها له اللى يزيد يوم عن يوم واي جرح منه ممكن يقتلها

~~~~~~~~~~~~~~~~~~~~

الساعه 3ونص العصر في بيت العمه نوره

ام ما جد حسبى الله عليك من بنت خلينى اسمع ام طلال و ش تقول و انتى من البارح مزعجتني

بهاللى يتبكبك
ام طلال ان لله و انا اليه راجعون ما بعد خفت حالتها
ام ما جد وين تخف و هى طول ليلها مشغلتن ابكى على ما جرالى ياهلى و تناشق
ام طلال هههههههههههههههههههه حفظتيها
ام ما جد وين ما حفظها و انا من البارح ما اسمع غيرها..

خليك منها و قوليلى و ش سالفه طلال
ام طلال لاسالفه و لا شى كل الموضوع انه خطب لين و امس اتصل عليه ابو راكان يقوله يجي

اليوم العصر و يجيب الملاك معه و اتصلت عليك ابيك تروحين معي
ام ما جد الف مبروك و نعم من اختار و الله يتمم لهم على خير
ام طلال الله يبارك فيك هاا بتجين و الا لا
ام ما جد لا ان شاء الله بجى بس بشوف هالعله و شلون اوصل لها الخبر

ام ما جد بعد ما قفلت من ام طلال ندى
ندي بحزن لا تقولين اطفيه .

.

ابكى على ما جرا لى ياهلي..قلبى انا بالعنوسه مبتلي
ام ما جد لاتكرهينى فيها زودن على كرهى لها من زين الصوت بعد محرفه فيها
ندي مدرى شلون قلبك يطاوعك تضحكين و انا حالى كذا الثالثه ثابته
ام ما جد و الله هذا في الحالات العاديه انت من الاولي و هى ثابته
ندي كل ما تذكر و جهى و الكحل مسوى فيه شوارع اتمني اموت
ام ما جد كله يهون عند سعبولتك
ندي لااااااااااا و سعبوله بعد
ام ما جد دامنى خففت عليك شوى اجل بقولك عن خطبت لين و طلال
ندي اي خففتى انت مثل اللى يرش الملح على الجرح و شووووووو .

.

خطبت مين
ام ما جد انا ما حبيت اصدمك بالخبر فقلت خطبه و الا هى ملكه و بعد ساعه يله اجهزى بنروح
ما ردت عليها ندي و طاحت على الارض مغمي عليها
ام ما جد ان صحيتى بعد نص ساعه الحقينى على السياره

فى بيت ابو راكان

كانت محبوسه بغرفتها من امس المغرب ما نفتح الباب غير مره و حده لما حطو الاكل كانت تحس انها

بسجن او معتقل كل كرها ل طلال قبل ما يجى نقطه في بحر كرهها له الحين لكن مع كذا ما راح

تستسلم و هالزواج ما راح يتم لو على موتها .

.

قطع تفكيرها صوت الباب و هو يفتح
ابو راكان بعد ما دخل يله و قعي
لين بصدمه و ش اوقع عليه
ابو راكان و قعى على ملكتك يعنى و ش ابوقعك عليه
لين الصدمه كانت اكبر منها اكيد ان ابوها هو اللى استعجل على الملكه و وين الملاك ليه ما يسالها اذا

هى موافقه او لا
ابو راكان بصراخ تري مو فاضيلك يله و قعي
لين توقيع ما راح اوقع و لاتعب عمرك و تضيع وقتك
ابو راكان بعصبيه بتوقعين يعنى بتوقعين لو اقص اصبعك و ابصم فيه
لين قلت ما راح اوقع اذا انت بعتنى انا ما راح ابيع نفسي
عرف ان الكلام ما راح يجيب معها نتيجه سحبها من شعرها و قام يضرب فيها الين استسلمت و قعت

رماها على الارض
ابوراكان بصراخ تري ما بعد شفتى شى و خلينى ارجع بعد نص ساعه و ما تكونين جاهزه و الله ثم و الله

لااخليك تمنين لموت و اسحبك له و انتى كذا
اول ما طلع من الغرفه الا ندي بوجهه
ابو راكان و ش عندك و اقفه هنا
ندي هاا .

.

ايه ك..

كنت ابى اشوف لين
ابو راكان اذا يهمك امرها ادخلى عندها و عقليها و لا اجى بعد نص ساعه الا و هى جاهزه
ندي هااه .

.

ايه ان شاء الله ابشر
دخلت على لين بعد ما نزل خالها و صدمها شكل لين طول عمرها تشوف لين قويه و ما فيه شى ياثر فيها

وشكلها بالمره مبهذل و هى اللى كانت اكثر و حده تهتم بشكلها و مظهرها حتى لو في البيت
ندي لين و ش اللى مسوى فيك كذا و هذا اليوم يوم ملكتك
لين ببكي قولى يوم موتى اسواء يوم بعمرى قولى اليوم اللى باعنى ابوى فيه كاانى بهيمه مو

انسانه بس لا تقولين يوم ملكتي
ندي ياربى ان ما ادرى شنو هالحاله المستعصيه فيكم انتم ياهالتؤام تزوجتو بالطريقه اللى احلم فيها

وشعاركم يوم الملكه البكاء حتى الموت .

.

يااختي احمدو ربكم غيركم يعزرون فيهم الين ما يزوجونها

ماتزوج الا و هى ناشف حلقها من كثر ما يماطلون فيها
لين ندىىىىىىىي اطلعى ما ابى اسمع صوتك
ندي لا مو طالعه و اسمعينى و خذيها منى نصيحه تري حالات العقل ما تزورنى الا نادرا فستغليها .

.

اللى بوصله لك هو انى عارفه انك مجبره على الزواج و خلاص تم ما بيدك تسوين شى و ابوك بيجي

ياخذك تنزلين له بعد نص ساعه امامك خيارين ياتنسحبين له مثل البهيمه على قولتك بشكلك هذا و بكل

ضعف او تنزلين بكل شموخ و كبرياء و تبينين للكل انك لين اللى طول عمرها قويه و ما ترضي بالضعف

لين كانت تفكر بكلام ندي فعلا معاها حق هالبنت على كل اهبالها بس ميزتها تشغل عقلها بالمواقف

الحرجه
ندي و هى رافعه يديها للسماء يارب حنن قلب امى و اخوى و خلهم يزوجون بنفس طريقه جاحدات

النعمه لين و ليان
لين بديت الشك ان الكلام اللى من شوى صدر من خبله مثلك .

.

يله نقلعى خلينى البس
ندي البسى على ما اروح اندب حظى و حط حرتى بالاكل
لين مدرى وين يروح هالاكل لو و حده تاكل اكلك بتصير ما تدخل مع الباب
ندي ايه احسدونى ما بقالى غير الاكل و بتحرمونى منه

~~~~~~~~~~~~~~~~~~~~

طلعت من الحمام عزكم الله بعد ما اخذت لها شور لبست و قعدت تحط ميك اب و ما كانت تدري

عن اللى تمر فيه اختها و في بالها شى واحد انها ناويه تفتح صفحه جديده مع فيصل بس ما تدرى شلون

تحس بخجل من مجرد انها تحاول خلصت مكياجها و وقفت تتامل و جهها .

.

حست بيد تلف خصرها

حاولت تبعد بس هو شدها على صدرها كان ظهرها هو اللى ملامس صدر فيصل
فيصل و هو يقرب شفايفه من اذنها كافى عذاب و سامحيني
ليان بخجل و احراج ممكن تتركنى بنزل اشوف جدي
فيصل و هو ما زال يهمس باذنها قولى انك سامحتينى و خلينا نفتح صفحه جديده و كافى عذاب لى و لك
ليان فيصل مو وقت هالكلام ممكن تتركني
فيصل بقهر و ياس اموت و اسمع كلمه احبك منك
تركها و طلع من الغرفه مصدمه من كلمه الموت اللى قالها من البارح و هو يكرر هالكلمه عليها حست

بضيقه و تسللت الدموع من عيونها
طلعت من غرفتها تبى تلحقه و تقوله احبك و لا اتخيل حياتى بدونك و مهما جرحتنى مسامحتك بس خلك

معى على طول .

.

نزلت تحت بس ما لقت احد راحت لغرفه جدها بس كان نايم .

.

جلست بالصاله

مهمومه و تلوم نفسها انها ما نفذت اللى كانت تفكر فيه و تعطى حياتهم فرصه ثانيه

~~~~~~~~~~~~~~~

بعد ما تطمنت ان شكلها حلو و مرتب جلست تنتظر ابوها و هى مستغربه من ليان اشلون ما كرهت ابوي

علي كل اللى سواه فيها من صغرها و هى تحس انها كرهته بس من تصرف واحد .

.

استغفر الله

العظيم اكيد انى انجنيت اشلون اقول كذا
… بوووووووووو و ش تسووين
لين بخوف حسبى الله عليك يالفقمه خلصتى اكل و جيتى تغثيني
ندي لا بعد ما خلصت بس خالى مشغلنى خدامه عنده و مرسلنى اناديك
لين و هى تحس شجاعتها تبخرت لا ندي و اللى يخليك خايفه ما ابى انزل
ندي كيفك خليه يجى يسحبك مثل العنز نوو بروبلم
لين كلى تبن مو انا اللى انسحب
ندي اجل يله و رينى شجاعتك و نزلى و لا بس كلام
لين و هى تدفها عن طريقها و خررى عن طريقى لا اخليك تعرفين من لين
بعدت ندي و على فمها ابتسامه خبيثه هذا اللى كانت تبيه
نزلت لين بكل ثقه مرت على عمتها و ام طلال و سلمت عليهم و راحت لاابوها
ابوراكان بعد ما شافها زين اللى عقلتى و عرفتى مصلحتك
لين بقهر اذا خلصت محاضرتك قولى علشان ادخل
ابو راكان لسانك هذا يبيله قص بس الحين مو وقته ادخلى و بعدين يصير خير
دخلها و اول ما جلست طلع و تركهم
كان طلال يناظر فيها من دخلت بكل ثقه و جلست و حطت رجل على رجل بدون ما تسلم
طلال بستهزاء السلام سنه
لين و هى تناظره بحتقار و المطلوب

؟
طلال بنفس الاحتقار من الادب اذا دخلتى على احد تسلمين .

.

اوو اسف نسيت انك ما تعرفين

شنو الادب و محتاجه تربيه من اول و جديد
لين بقهر و دام انا في نظرك و حده مو متربيه ليه اموت عمرك على الزواج مني
طلال بحتقار ههههههههههههههه حلوه اموت نفسى على الزواج منك و ليه ما تقولين ابوك هو

اللى ميت بس يتخلص منك يكون في معلومك هو اللى حدد كل شى و انا ما حبيت احرجه
لين ميته من القهر و هى متاكده ان اللى يقوله صدق حقير
طلال و هو يوقف و يقرب منها الحقير هو اللى بيربيك من اول و جديد و لاتنغرين على بالك اني

تزوجتك حبا فيك لا اصحى انا تزوجتك علشان اكسر خشمك و احمى الناس اللى احبهم من شرك
لين بحقد اشلون ترضي تعيش مع انسانه ما تبيك انت مو رجال و الا ما ترضاها على نفسك
طلال و هو يقرب منها و بتهديد: مو حاب امد يدى عليك و انا في بيت ابوك لكن اذا رحنا لبيتى ذيك

الحظه اعلمك الادب و من اللى مو رجال
رمي عليها شبكتها و طلع….

و اتصل على امه و طلب منها تطلع

ام طلال بعد ما ركبت السياره اشفيك يمى استعجلت
طلال و هو يحاول ما يبين القهر اللى بداخله عندى شغل يالغاليه
طلع جواله و هو مو عارف اشلون يقول ل فيصل اللى صار
فيصل بضيقه هلا طلال
طلال هلابك و ش فيها الاخلاق قافله
فيصل لاتشغل بالك وينك حتى امى اخذها معك
طلال و هو يحاول يبين انه سعيد ليه ما بشرتك انى خطبت
فيصل نعم و انا اخر من يعلم
طلال لا يالغالى بس و الله كل شى جاء بسرعه
فيصل و من هالمقروده اللى بترضي فيك
طلال الله يسلمك لين بنت عمك ابراهيم
فيصل بصدمه و ما لقيت غيرها .

.

اسمعنى تفركش كل شى فاهم و اذا بتناسب احد من اعمامي

اخطب منال بنت عمى سلطان و ربى انها ملاك و حرام يكون عند عمى بنت مثلها
طلال فيصل خلاص عمك سوا الملكه
فيصل بعصبيه لاتقول انكم ملكتو…….

(انتبه متاخر على السياره اللى قاطعه الاشاره و متجهه

له بكل سرعتها لاااااااااااااااااااا طلعت هالكلمه من فمه و هو عارف انها ما راح تمنع القدر و شريط

حياته يمر قدام عيونه و لا شغل فكره هاللحظه السريعه غير شنو بيكون مصير جده و ليان من بعده

كان طلال يحس بالموت و الالم يقطعه و هو يسمع صرخه اخوه و هو مو قادر يوصله و يساعده كان

يصارخ ويناديه لكن ما كان فيه اي صووووووت .

.

رجعت فيه الذاكر 18 سنه و ري تذكر لما

كانو يلعبون مع ابوه و هم اعمارهم 11 سنه
ابو طلال خلاص رجال مشاء الله عليكم .

.

الا كم عمرك ياطلال؟
طلال عمرى 70 سنه
ابو طلال هههههههههههههه مشاء الله عليك و انت يافيصل كم عمرك؟؟
فيصل بهدوءه المعتاد في صغره عمرى 30 سنه
ابو طلال بدون شعور ضم فيصل و هو يسمى عليه و دموعه على خده
استغرب طلال تصرف ابوه وقتها بس بعد ما سمع حوار امه و ابوه زال استغرابه
ام طلال ليه تاثرت لما فيصل قال عمره 30
ابو طلال و الله مدرى يمكن لو اقولك اللى خطر في بالى بتقولين مجنون .

.

لما قال طلال كم

عمره خطر في بالى بعيش الين يصير عمره سبعين بس لما قال طلال عمره 30 خطر في بالى انه

بيموت و عمره 30
صح من افكاره على يد امه و هى تهزه و تساله و ش اللى صار
طلال بحرقه و دموعه بدت تسيل على خده فيصاااااااااااااااااااااااااال

انتهي الجزء الثامن

وش اللى بيصير لليان و ش بتكون ردت فعلها؟؟
و ش مصير طلال و لين هل بيستمر زواجهم او بيكون الطلاق هو الحل؟؟
و ش بتكون ردت فعل راس الشر ليان؟؟؟

 

  • رواية فيصل وليان كامله منتدى تعب قلبي
  • رواية ابوس راسك يازمن كامله منتدى تعب قلبي
  • رواية فيصل وليان منتدى تعب قلبي
  • روايه فيصل وليان كامله
  • روايه فيصل و ليان منتدى تعب قلبي
  • روايه فيصل
  • رواية فيصل وليان السعودية كاملة
  • رواية اتزوجتك غصب يا بزر
  • رواية ابوس راسك يازمن فيصل وليان الصفحه 10
  • رواية ابوس رأسك يازمن للتحميل
1٬051 views

رواية ابوس راسك يازمن