10:09 مساءً الأربعاء 18 سبتمبر، 2019



تعليم كيفية حل اسئلة القدرات

صور تعليم كيفية حل اسئلة القدرات

صور

الاساسيات في الاختبار
1 لازم تكون حافظ جدول الضرب كامل

2 لازم تكون عارف طرق القسمه

3 لازم تكون عارف طريقة ضرب و جمع و كسر و قسمه الكسور و الجذور

4 لازم يكون عندك معرفة كاملة عن الاشكال الهندسية و كيف تحسب الزوايا و المساحات و اطوال الاضلاع

5 حاول انك تشغل مخك زين في الحسبة يعني تعلم كيف تحسب بسرعه

يعني خلى معاك الالة الحاسبة و اجمع و اضرب في مخك و جرب على الالة الحاسبه

6 اذا لقيت عندك معجم عن الكلمات العربية و معانيها و قدرت تحفظ كم كلمه يكون ممتاز

انقطة 1 موجودة في اخر الموضوع ،

 

 

النقاط 2 و 3 و 4 موجودة بكتاب رام 1

نصيحتى و بالذات للطلاب في ثاني ثانوي انهم يختبرون من ثاني ثانوي

اختبارين في ثاني و اختبارين في ثالث يعني 4 اختبارات

والسبب ان الجو الاول لاختبار القدرات جو غريب و مرعب في نفس الوقت عشان كذا ما تقدر تسوى فيه شي

واول اختبار بتكون الدرجه فيه ضعيفه و ثاني اختبار بيكون الفرق كبير

اما الثالث و الرابع بيكون الفرق بسيط لانك تعودت على الجو

وثاني سبب ان فيه من اجوبتك تعتمد على الصدفة و ضربه الحظ و بعض الاحيان تختلف صعبوه الاسئله من اختبار الى اختبار

عشان كذا حاول تاخذ اكبر الفرص لك و تختبر كل الاختبارات اللى قدامك

وانا اعرف معلومة بس مو متاكد منها و اللى هي ان المصححين يشوفون الاسئله اللى غلطو فيها طلاب كثيرين و يحذفونها

يعني اذا غلطت في سؤال صعب احتمال ان درجه السؤال تلغي لك و للى جواب صح
قبل الاختبار

1 – ادعى ربك انه يساعدك في الاختبار

2 كل اكله خفيفة مرة قبل الاختبار بساعتين او ثلاث و لا تثقل في الاكل

3 احسب حسابك انك بتقعد 4 ساعات في القاعه

4 اهم شي قبل ليلة الاختبار انك تنام زين و تاخذ راحتك في النوم حتى لو تغيب عن المدرسة في نفس اليوم و يفضل انك تختبر في الليل

5 لا تشغل نفسك بالتفكير بالاختبار و خلى مزاجك رايق و ادخل الاختبار و كانها مهمة بسيطة بتسويها و تمشي لان القلق بيخليك ما تركز في الحل

وانت في القاعة ركز على الكلام اللى يقوله المشرف عن الممنوع المسموح و طريقة املاء البيانات و ارشادات جدا مهمه

وانت في الاختبار

1 دائما انتبة للوقت و لا تاخذ راحتك مرة في الاسئلة

2 – القسم الاول هو دائما الورطه بالذات للى اول مرة يختبرون لانهم ما يدرون ان الوقت يمشي بسرعه

3 اذا احترت في سؤال دائما احذف الاجابات اللى ما تتوقعها و راح يطلع لك الجواب الاقرب

4 دائما اول ما تبدا قسم اقرا اول سؤال اذا حسيت انك ما تعرف اجابتة او بيطول معك خلية شوى على جنب و ابدا بالاسئه السهلة اللى متاكد من جوابك انه صحيح

لان حط في بالك انك بتنهى القسم و فيه اسئله انت ما حليتها يا بسبب صعوبتها يا بسبب الوقت و في اسئله انت بتكون شاك فيها و في اسئله انت بتكون متاكد منها و هي السهله

عشان كذا حاول قد ما تقدر انك تحل الاسئله السهلة كلها لانك متاكد منها عشان تضمن درجتها و ما يروح عليك الوقت في الاسئله الصعبة و انت مو ضامن اجوبتها

لان الاسئله الصعبة احتمال تصيب و احتمال تخيب فعشان كذا خليها اخر شي و استغل الوقت في الاسئله السهلة اما الاسئله الصعبة اذا لحقت عليها يا هلا و اذا ما لحقت مو مشكلة اهم شي انك جاوبت على الاسئله اللى انت متاكد منها و ضمنت الدرجة

4 اذا اخترت اجابه انساها و شوف اللى بعدها و لا تراجع لان ما عندك وقت للمراجعة و اذا خلصت الاسئله اللى ضامنها حاول تشوف الاسئله الصعبة يمكن تقدر عليها او راجع الاسئله اللى حليتها

قاعده بسيطة في الرياضيات

بشرح طريقة ضرب و قسمه و جمع و طرح الاعداد من مئه و هاذى يمكن يجى عليها سؤالين او ثلاث

0.1+0.1=0.2 صح

0.3– 0.1= 0.2 صح

0.4+3= 3.4 صح

الجمع و الطرح سهل

لكن في الضرب و القسمه يختلف الوضع

اى عدد تضربة في الرقم 1 يساوى العدد نفسة و نفس ال شي مع 0.2 و 0.3 …….

كل ما ضربنا في عدد من العشره و مضاعفاتها تروح الفاصله لليمين

نجى الحين للقسمة

الاولي و الثانية نفس الكلام

لكن الثالثة تختلف

0.1÷10 = 0.01 لان كل ما قسمنا على عدد من العشره و مضاعفاتها تروح الفاصلة لليسار

0.1÷0.1= 1 لان اي عددين متساويين يقسمون على بعضهم يطلع الجواب 1

672 views

تعليم كيفية حل اسئلة القدرات