8:03 مساءً الأربعاء 26 يونيو، 2019






تعليم عمل الاكسسوارات

صور تعليم عمل الاكسسوارات

صور تعليم عمل الاكسسوارات

بكره خيط بلاستيك و دة فيه منه كل الالوان و فيه منه تخين و فيه منه رفيع و فيه منه استك ياعنى بيمط و دة شكلة و سعرة بيكون في حدود اربعة جنيه تقريبا

2 ثانيا هنحتاج حاجة مهمه جداا و دى اسمها زراديه ذات راس مدور زرادية ببوز مدور مشهوره جدا في اماكن بيع الحاجات دى و سعرها كان اخر مره 15 جنيه بس من سنه تقريبا الكلام دة او اكتر يمكن غليت بس في الحدود دى ياعنى و دة شكلها

ودى اداة مهمه جدا و لازم تكون موجودة عشان هيا اللى هاتدرب ايدينا على الشغل و تطلع الحاجة مظبوطة بالتمام .

 

3 زراديه عاديه صغيرة و دى كانت في حدود 6 جنيه بالظبط وقت ما اشتريتها و دة شكلها

4 زرادية عاديه برضو انا كنت بوصفهم بالشبه للراجل و انتي لو رحتى المحلات هاتلاقيها محطوطة قدامك على طول اسمها حاجات بتاعت عده الجواهرجى و دى برضو كان سعرها في حدود 6 جنيه او 5 تماااام يا فتاتيك معاي

5 اخر حاجة و اهم حاجة هانحتاجها هي الميزان طبعا المفروض اننا يكون عندنا ميزان ديجيتال بتاع جرامات صغير زي بتاع الجواهرجى زي دة كده

دوره تعليم اكسسوارات مجانا

لكن اذا مقدرناش نوفرة في البداية ممكن نستعمل ميزان البيت و بقي فيه موازين ديجيتال بيتي او حتى بمؤشر ممكن نستعملها و دة مهم في اية بقي عشان نقدر نحسب تكلفتنا لاننا هانشترى اللولى و الخرز بالجرام و بالكيلو فلازم لما نيجى نحسب نحسب برضو بالجرام عشان نعرف العقد او الحلق دة كلفنا كام بالظبط

طريقة حساب التكلفة _

نفترض اننا اشترينا ربع كيلو لولى ب 10 جنيه ياعنى 250 جرام ب 10 جنيه
نقسم العشره جنيه على ال 250 جرام عشان نطلع تكلفة الجرام الواحد كام

10 250 = 0.04 للجرام الواحد
و بنفس الطريقة بنحسب تكلفة الزرد و المسامير و اي حاجة احنا شاريينها هانستخدمها و فيه حاجات بتكون كبيرة بتتباع بالواحدة برضو بنحسبها و كمان بنحسب مصاريفنا بنشوف مواصلاتنا كام و بنقسمها على عدد الحاجات اللى اشتريناها في اليوم دة ياعنى لو نزلت صرفت مثلا 10 جنيه مواصلات و اشتريت بس ربع كيلو لولى ب 10 جنيه يبقي اضيفها عليه لو اشتريت نوعين خامات لولى و خشب او اي حاجة تانيه اقسم العشره نصين على ربع كيلو اللولى خمسه جنيه و على الخامة التانيه خمسه و هكذا

وكذلك الخيط بكره الخيط الراجل بيقولك دى حوالى كام متر و بتشوفى سعرها كام و بتقسمى السعر على عدد الامتار

وبكدة لما تعملى عقد مثلا بتوزنية و بتشوفى اخد كام جرام 50 مثلا بتضربيهم في الرقم اللى طلعناة للجرام الواحد ياعنى 50 0.04

وبالنسبة للخيط بتقيسى بالمازوره اخدتى كام سنتيمتر من البكره و بتبقى حاسبة السنتيمتر الواحد بكام و برضو بتضربية و بكدة نكون عرفنا نحسب التكلفة بالتمااااااام من غير ما ننسي و لا حاجة و لا تضيع مننا حاجة و بعد كدة بنضيف مجهودنا زي ما احنا شايفين و على اساسة بنحدد السعر

معلش انا طولت في الموضوع دة شويه لان فيه ناس كتير بتحتاس و مش بتبقي عارفة تحسب التكلفة و انا واحدة منهم اول ما اتعلمت خسرت كتير عشان كدة حبيت اقول الموضوع باستفاضة شويه كتير عشان نبقي على دراية بكل حاجة من الالف الى الياء
ا واحدة الناس كلها بتنفذ بيها لكن اللى بيفرق حاجة و يظهرها عن التانيه هيا شكلها المميز و اختلافها عن الحاجات التقليدية

اول طريقة عندنا هيا طريقة اللضم لضم الخامات مع بعضها اللولى مثلا
و دى بنستعمل فيها الخيط بس و بنعتمد فيها على استعمال خامات مختلفة مع بعضها زي اللولى و الاحجار مثلا او اللولى و اشكال بلاستيكيه معينة او الوان مختلفة من اللولى و الطريقة طبعا مش محتاجة صوور لانها بسيطة جداا جداا ناخد الخيط و نلضم فيه الاشكال اللى احنا عايزينها و را بعضها و لما نوصل للطول المناسب نعمل عقدة متينه و نعيد عليها مرتين تلاتة و بس و دى بعض الاشكال اللى هاتوضح الطريقة البسيطة دي

دوره تعليم اكسسوارات مجانا

دوره تعليم اكسسوارات مجانا

دوره تعليم اكسسوارات مجانا

ودى اول و اسهل طريقة نعمل بيها اكسسوارات و فيه اكيد منكم كتير عارفها بس انا حبيت ابدا معاكم دوره كاملة من الالف الى الياء

بسم الله

اولا عندنا حاجتين اساسيين غير الخامات بتاعتنا سواء كانت لولى او غيرة و هما الزرد و المسامير و الزرد دة هو عبارة عن الحلقات المدوره الصغيرة اللى بتشبك المسامير في بعضها و طبعا فيه منها حوالى اربع او خمس مقاسات من اول الصغير خالص لحد الكبييير خالص و دة شكل لاحدي الاحجام

دوره تعليم اكسسوارات مجانا

ثانيا المسمار و هو اللى عامل زي الدبوس و دة اللى بتكون موجودة فيه الخرزات او اللولى و بنلفة من الطرفين و فيه نوعين نوع لية راس مدوره ملفوفة جاهزة و النوع التانى مقفول من الاخر براس زي راس الدبوس الابره و الاتنين فيه منهم مقاسات طويل و قصير و برضو فيه منهم الوان هما و الزرد اكيد ياعنى فضى و ذهبى و نحاسى بالظبط و دة شكلهم
دوره تعليم اكسسوارات مجانا

بعد كدة عندنا خاماتنا سواء كانت لولى او بلاستيك او اكريلك و طبعا الاشكال لااا حصر لها و دى عينه منها

دة مثلا اكريلك لونين اخضر و اسود

 

ودة بلاستيك و اكريلك

دوره تعليم اكسسوارات مجانا

وطبعا لو جينا نعمل انسيال او سلسله قصيرة اكيد بنحتاج للاقفال اللى بتكون موجودة زي كدة و طبعا فيها الوان برضو ذهبى و فضى و نحاسي

دوره تعليم اكسسوارات مجانا

وبرضو الاقفال دى فيه منها اشكال كتير بس مش متوفر عندي غير دة بس ان شاء الله هابقي اجيبهالكم باذن الله

ودى كدة بتعتبر ادواتنا الاساسية طبعا مع الزراديات السابقة و بعد كدة هانبتدى الشغل تابعونى و برضوو

 

ودة الشكل النهائى للخرزه بتكون ملفوفة من الناحيتين

دوره تعليم اكسسوارات مجانا

ونكرر نفس الخطوات السابقة مع كل اللولى و الخرز الموجود عندنا لحد ما يبقي بالشكل دة كله
ى الحلق

دوره تعليم اكسسوارات مجانا

وهنا شبكنا واحدة لولى كمان بنفس الطريقة

دوره تعليم اكسسوارات مجانا

وكمان واحدة شبكناها بنفس الطريقة لحد ما نوصل للطول اللى احنا عايزينة و بيكون كدة انتهينا من فردة حلق و بنعمل التانيه بنفس الطريقة بالظبط و مننساش ان اخر واحدة لولى او خرز في الحلق المفروض نستخدم ليها المسمار اللى لية راس مقفولة عشان يكون شكلة مظبوط و بكدة نكون عملنا حلق جمييييل جدااا جداا من صنع ايدينا و طبعا الافكار لا حصر لها و الاشكال كمان و كل واحد زي ما بيحب الحلق طويل قصير واحدة لولى واحدة اتنين زي ما يحب

 

 

 

 

  • طرق عمل الاكسسوارات يدويا بالصور
  • عمل الكسسوارات

949 views

تعليم عمل الاكسسوارات